6 ستمبر قومی تاریخ اٹی اہم ءُ دے اسے ہراتم ننا ورناک تینا جان تے ندر کرسا قوم و وطن نا دفاع ءِ کریرقومی اسمبلی ٹی قائد حزب اختلاف سید خورشید احمد شاہ نا قومی اسمبلی ٹی اعتراضی ٹک آ خیال آتا درشان

6 ستمبر قومی تاریخ اٹی اہم ءُ دے اسے ہراتم ننا ورناک تینا جان تے ندر کرسا قوم و وطن نا دفاع ءِ کریرقومی اسمبلی ٹی قائد حزب اختلاف سید خورشید احمد شاہ نا قومی اسمبلی ٹی اعتراضی ٹک آ خیال آتا درشان

اسلام آباد(پاکستان نیوز پوائنٹ 06ستمبر 2016ء) قومی اسمبلی ٹی قائد حزب اختلاف سید خورشید احمد شاہ پارینے کہ 6ستمبر قومی تاریخ اٹی اہم ءُ دے اسے ہراتم ننا ورناک تینا جان تے ندر کرسا قوم و وطن نا دفاعءِ کریر۔ جہانی کہول آ پٹرولیم مصنوعات آتا نرخ آتیٹی نمان کمتی نا باوجود الس ءِ داوار ریلیف تننگ تو، پٹرول نا نرخ آتیا سیلز ٹیکس مسہ درسد اسکان ودفنگا۔

سے شنبے آ قومی اسمبلی نا دیوان اٹی اعتراضی ٹک آ قائد حزب اختلاف سید خورشید احمد شاہ پارے کہ شش ستمبر قومی تاریخ اٹی اہم ءُ دے اسے ، ننا ورناک تینا جان تے ندرکرسا قوم و وطن نا دفاع ءِ کریر ، ننے داہیت آ غور کروئی مرے و تاریخ آن سبخ اس ہیل کروئی مرے ۔ اوپارے کہ بنجاء پاکستا ن آ ہرچار آ بنجائی اکائی تا اسہ وڑنا حق ءِ۔ ننے تینا فیصلہ غاتیا نظر ثانی کروئی مرے۔

السی ویل و معاملہ غاک ننا غٹ انا اسیجاءُ انتئے کہ نن الس نا نمائندہ غاک اُن۔ اوپارے کہ حکومت آک ویلفیئر و الس نا جوانی کن مریرہ ، ہر سیاسی جماعت نا تینا منشور اس مریک ، نن الس آن مینڈیٹ ہلسا داڑے اوفتا توار ءِ بڑز کننگ کن برینہ، ویلفیئر نا تصور داسا کمرشل مسنے۔ اوپارے کہ الس ءِ بجلی نا لوڈشیڈنگ، بزغر آتے کھد انا دوئی تون اوار کیہی ویل آتا مون تروکی ءِ۔ اوپارے کہ دنیا ٹی تیل انا نرخ آک کم مننگ ءُ، دا خبر بسکہ کہ پٹرول و ڈیزل نا نرخ آتیٹی کمتی کننگک ولے داوڑ مننگ کتو بلکن پٹرول نا نرخ آتیا مسہ درسد سیلز ٹیکس ءِ ودفنگا۔ ڈیزل آ سیلز ٹیکس چارءُ نیم روپئی کننگا۔ پٹرولیم مصنوعات آتیا ساڑی آ حکومت اسہ ارب ڈالر ودکی ریونیو ہلکونے۔