وزیراعظم محمد نواز شریف نا سینیگال نا صدر مکی سال اتون اوڑدہی ٹی ہیت وگپ

وزیراعظم محمد نواز شریف نا سینیگال نا صدر مکی سال اتون اوڑدہی ٹی ہیت وگپ

اسلام آباد(پاکستان نیوز پوائنٹ 06ستمبر 2016ء) وزیراعظم محمد نواز شریف سینیگال تون ہڑتوم آ کنڈآتا واپار ءِ ودفنگ کن ٹیکسٹائل ، کشاری مشینری و فارما سیوٹیکل نا بشخ آتیٹی کمکاری ٹی ودکی آ زورشاغانو۔ سے شنبے آ داڑے وزیراعظم ہاؤس اٹی سینیگال نا صدر مکی سال اتون ون آن ون اوڑدہی نا وخت آ وزیراعظم سالانہ ہڑتوم آ کنڈآتا واپار نا ساڑی آ کچ 30.469ملین ڈالر ءِ اونا حقیقی لائخی تون ودفنگ آ زورشاغار۔

وزیراعظم نواز شریف پارے کہ سینیگال پاکستان نا پروڈکٹس بشمول چمڑا، چنکا انجینئرنگ نا گڑاتیان فائدہ ہرفے۔ اوپارے کہ دا چرجوئی ٹی وزیر واپار نا سرکڑدہی ٹی اسہ واپاری و زرکاری ڈل سینیگال نا دورہ ءِ کننگ کیک۔ وزیراعظم پارے کہ پاکستان سینیگال اٹی اسہ پاکستانی بینک اس ملنگ نا ہم جاچ ءِ ہلنگ ءِ ہراڑآن ہڑتوم آ ملک آتا نیام اٹ واپار و زرکاری ٹی آسراتی ملک۔

اومسکوہی سال نیویارک اٹی اقوام متحدہ نا جنرل اسمبلی نا سیشن نا وخت آ سینیگال نا صدر مکی سال اتون تینا اوڑدہی تا حوالہ ءِ تس ہراڑے ہڑتوم آ کسرشونک کیہی بشخ آتیٹی کمکاری ٹی ودکی آ اتفاق کریر۔ وزیراعظم محمد نواز شریف سال 2016-17 ء کن اقوام متحدہ نا سلامتی کونسل نا بے آخبتی باسک جوڑ مننگ نا چرجوئی ٹی سینیگال ءِ گچین کننگ آ سینیگال نا صدر ءِ مبارکبادی تس و اومیت ظاہر کرے کہ سینیگال اسلامی ملک آتا مفادات آتا رکھ ءِ باوری جوڑ کننگ آ سینیگال نا صدر نا صفت ءِ کرے و علاقائی ویل آتا ایسری کن اونا مثبت کڑد انا ذکر ءِ کرے۔

وزیراعظم محمد نواز شریف اسلام آباد اٹی سینیگال نا سفارتخانہ ملنگ نا چرجوئی ٹی سینیگال نا صدر نا فیصلہ نا خیرمقدم ءِ کرے و پارے کہ داڑآن ہڑتوم آ ملک آتا نیام اٹ کمکاری پین سوگو مریک۔ ہڑتوم آ ملک آک دفاعی بشخ ودفاعی خریداری ٹی کمکاری نا ہم جاچ ءِ ہلکر۔