مچ آ ملک آمبار بلوچستان نا سیمی شار چمن اٹی یوم دفاع پاکستان بے کچ جوش و جوزہ اٹ اڈتننگا، کیہی ہند آتیا سرکاری و نجی کہول آ دود آتا چرجوئی برجاء

مچ آ ملک آمبار بلوچستان نا سیمی شار چمن اٹی یوم دفاع پاکستان بے کچ جوش و جوزہ اٹ اڈتننگا، کیہی ہند آتیا سرکاری و نجی کہول آ دود آتا چرجوئی برجاء

چمن (پاکستان نیوز پوائنٹ 06ستمبر 2016ء) مچ آ ملک آمبار بلوچستان نا سیمی شار چمن اٹی یوم دفاع پاکستان بے کچ جوش و جوزہ اٹ اڈتننگا۔ سرجم احوال آتارداٹ چمن اٹی ضلع نا غٹ آن بھلا دود ایف سی قلعہ چمن اٹی اڈ تننگا ہراڑے ایف سی چمن نا کمانڈنٹ کرنل واجد علی ستی قومی پرچم کشائی کرے و ضلعی آفیسر آتون اوار یات گار شہید آتا پھل شاغا و تینا ملک انا خاطر جان تے ندرکروک آ شہید آتا درجہ غاتا بڑزی کن خصوصی دعاہم کننگا وخت اس کہ ایف سی قلعہ ٹی پاک فوج انا زیر استعمال جدید ترین سلہہ غاتا نمائش نا ہم انعقاد کننگا ہراٹی اسکول آتا طالب علم و ہندی قبیلہ غاک شرکت کریر داوخت آ پاک فوج انا ورناک طالب علم و قبیلہ غاتے سلہہ غاتا بارواٹی سرجمی اٹ بریفنگ ہم تسر، یات سلے کہ چمن اٹی کیہی ہند آتیا سرکاری و نجی کہول آ دود آک اڈ ہلکر ہرافتے ٹی یوم دفاع پاکستان اٹی لمہ وطن کن جان تے ندر کروک آ شہید آتے خراج عقیدت پیش کننگا۔

داکان بیدس ایف سی اسکول چمن اٹی ہم اسہ دود اس اڈ ہلک ہراٹی ایف سی کمانڈنٹ کرنل واجد علی ستی ، کرنل محمد عثمان ، ڈی پی او چمن ساجد خان و ایلو آفیسرو قبائلی کسرشون آک شرکت کریر۔ یوم دفاع پاکستان نا وخت آ پاک اوغان سیم آ سیکورٹی نا سخت بست و بند کننگاسس۔