کوئٹہ(پاکستان نیوزپوائنٹ12جنوری2018ء) چیف جسٹس بلوچستان ہائی کورٹ جسٹس محمد نور مسکانزئی نا کماشی ٹی جیل اصلاحات آن تعلق اجلاس اڈہلک ۔ دیوان ٹی جسٹس محمد ہاشم کاکڑ آن بیدس ایلو محکمہ غاتا متعلقہ آفیسراک ساڑی ئس ۔ دیوان ٹی صوبہ نا جیل آتیان تعلق جوڑ جاڑ و جیل آتیٹی کیزقیدی تا حالیت آن تعلق امور آتیان سرجمی اٹ چکارکننگا۔ دیوان ٹی جیل آتیٹی اصلاحات اتنگ آن تعلق دار ورکنگ پلان جوڑکننگ نا اصولی فیصلہ کننگا ۔
وخت اس کہ دا ہیت آ اتفاق کننگا کہ جیل آتیٹی کیز قیدی تا حالیت و اسراتی تیکن فراوانی کن موثر ہو گام گیچ کننگک۔ داوخت آ چیف جسٹس ہائی کورٹ جسٹس محمد نور مسکانزئی تعلقدار کمادار اتے پارت کرے کہ جیل آتاحالیت ءِ گیچین و عارضی مرمت کننگ مطلوب فنڈز نا زوت آن زوت یخینی جوڑکیک۔