اسلام آباد(پاکستان نیوزپوائنٹ12جنوری2018ء) صدر مملکت ممنون حسین ءَ گوشت کہ عراق اسلامی دگنیا ءِ ازرزشتی ایں ملک اِت ایشی ءَ گوں یکوئی آناں پاکستان سک باز ارزشت دنت۔ آئی ءَ اے گپ پنچ شمبے ءِ روچ ءَ عراق ءِ واستہ پاکستان ءِ نامینتگیں سفیر ساجد بلال ءَ گوں گپ ءُُ تران کنان ءَ کت اَنت۔ اے موہ ءِ سرءَ ٹوھیں کارندہ ھم ساڑی اتنت۔ صدر ءِ مملکت ءَ گوشت کہ عراق اسلامی دگنیا ءِ ارزشتی ایں ملک اِنت ایشی ءِ گوما مئے جھلانیں یکوئی است ایشاناں ما نیک راھی ءُُ راجدپتر گیش پزور ءُُ زوراک کن اَنت۔
ھمے ھاترا وانگ ءُُ زانگ، دود ءُُ ربیدگ ءُُ تجارت ءَ ھوار زندمان ءِ ایندگہ شوبگ آنی تہءَ کمک ءَ گیشی المی اِنت۔ آئی ءَ پنت ءُُ شون کت کہ وت مہ وتی کمک ءِ تہءَ گیشی ءِ واستہ کوشست ترند تر کنگی اِنت۔ آئی ءَ گوشت کہ پاکستان ءُُ عراق ءِ نیام ءَ تجارت ءِ پراھ ءُُ شاھیگانیں موہ است اِنت ایشانی تہ ءَ گیشی ءِ یک شلئی ءَ گوں کار کنگ ءِ ضلورت اِنت۔ اے رد ءَ تاجر ءُُ صنعت کار آنی ٹولہ آنی روگ ءُُ آیگ ءَ را دلبڈی دیگ لوٹ ایت۔
