اسلام آباد(پاکستان نیوزپوائنٹ12جنوری2018ء) مزن وزیر شاہد خاقان عباسی ءَ گوشت کہ پاکستان ءَ ناشرکاری ءِ ھلاپ ءَ جوانیں کامیاتی در جتگ ءُُ مئے سرڈگار ءَ ناشرکار آنی اِچ چیر بوھگ ءِ ٹھکانہ نیست۔ آدینگ ءِ روچ ءَ نیشنل ڈیفنس یونیورسٹی ءَ نیشنل سیکورٹی اینڈ وار کورس ءِ بھر زوروکیں مردم آں گوں گشتانک دیان ءَ مزن وزیر ءَ گوشت کہ ناشرکاری ءِ ھلاپ ءَ جوانیں کاروائی ءِ نتیجگ ءَ ناشرکار آنی کاروائی کنگ ءِ ازم ءَ را پروش داتگ۔
مزن وزیر ءَ گوشت کہ ریاست قومی سلامتی ءِ ھوالگ ءَ چیلنج آں چہ شری ءِ سرءَ سرپد اِنت توکی ءُُ ڈنی جیڈھ آناں گیوار کنگ بوھگ ءَ اِنت۔ آئی ءَ گوشت کہ ناشرکاری ءِ ھلاپ ءَ آپریشن ”ردالفساد“ چاگرد ءِ جنگ ءُُ چوپ دوست ”سیلیپرز سیلز“ ءُُ گموار آنی گر ءُُ جنگ ءَ جاڑی اِنت۔
