اسلام آباد(پاکستان نیوز پوائنٹ 05ستمبر 2016ء) ایوان بالا ٹی سانحہ کوئٹہ نا شہید، سینیٹر جہانزیب جمالدینی نا مار، سینیٹر نثار احمد خان نا لمہ، سینیٹر ساجد حسین طوری نا باوہ نا کذیت آ فاتحہ خوانی کرفنگا۔ دوشنبے آ ایوان بالا نا دیوان نا وخت آ قائم مقام چیئرمین پارے کہ 8 اگست آکوئٹہ ٹی بمب دھماکہ ٹی 60 انا خڑک وکیل آتون اوار ایلو بندغ آک تپاخت کریر۔
ڈاکٹر جہانزیب جمالدینی نا مار ہم دا حادثہ ٹی تپاخت کرے۔ دا سانحہ مچ آ ملک ءِ سریفے۔ خوانوک و سینئر وکیل آک دانا گواچی مسر۔ ہنداوڑ مردان کچہری ٹی بمب دھماکہ ٹی کیہی قیمتی جان زیان مس۔ دا مچ آ قوم اکن اہم و حساس ویل اسے۔ سینیٹر نثار احمد خان نا لمہ، سینیٹر سجاد حسین طوری نا باوہ کذیت کرینو۔ اونا پاننگ آ سینیٹر عطاء الرحمان فاتحہ خوانی کرفے۔
