بنجائی وزیر اطلاعات ، نشریات و قومی میرات سینیٹر پرویز رشید نا جہانی یوم عطیات نا وخت آ الشفاء آئی ٹرسٹ نا کنڈآن سیمینار آن تران

بنجائی وزیر اطلاعات ، نشریات و قومی میرات سینیٹر پرویز رشید نا جہانی یوم عطیات نا وخت آ الشفاء آئی ٹرسٹ نا کنڈآن سیمینار آن تران

راولپنڈی(پاکستان نیوز پوائنٹ 05ستمبر 2016ء) بنجائی وزیر اطلاعات ، نشریات و قومی میرات سینیٹر پرویز رشید پارینے کہ سگ و پرامن بقائے تین پہ تینی نا کلہو تننگ کن عطیہ غاتا زر انسانیت تون لگاؤ تخوک آ طالب علم آتا تعلیم آ خڑچ کننگر ہراڑآن نہ صرف پاکستان بلکن مچ آ ڈیہہ پرامن جوڑ مریک، ہمو عنصر آتے عطیہ تننگپ ہرا راج اٹی منافرت ، انتہاء پسندی و دہشت ردی ءِ مون آ دیر۔

دوشنبے آ داڑے جہانی یوم عطیات نا وخت آ الشفاء آئی ٹرسٹ نا کنڈآن اسہ سیمینار اسے آن تران کرسا بنجائی وزیر اطلاوعات مخیر خواجہ و ڈونرز آتون پارے کہ دُننگا تنظیم آتا کمک کننگپ ہرا خلقت خاص کر ورناتے منافرت نا نظریہ تون دہشت گردی و انتہاء پسندی نا کنڈا دننگ ءُ۔ اوپارے کہ خن تا درمان کن الشفاء آئی ٹرسٹ ہسپتال نا خذمت آک ستاء کڑزرہ ہرا نیزگار آتے مفت درمان فراوان کننگ ءِ۔ او مخیر خواجہ غاتون پارے کہ او دا ادارہ غاتا کمک ءِ کیر ہرا انسانیت نا خذمت ءِ کننگ ءُ و راجی برائی تا برخلاف جنگ کننگ ءُ۔ سیمینار آن الشفاء آئی ٹرسٹ نا صدر لیفٹیننٹ جنرل (ر) حامد جاوید ، چیف آف میڈیکل سروسزواجد علی و پاکستان پیس کولیکٹو نا سی ای او بشریٰ تسکین ہم تران کریر۔