(نوٹ: یہ آئٹم 6 ستمبر 2016ء کی صبح سے قبل شائع، نشر یا ٹیلی کاسٹ نہ کیا جائے۔

صدر مملکت ممنون حسین نا یوم دفاع پاکستان نا وخت آ قوم انا پن کلہو

(نوٹ: یہ آئٹم 6 ستمبر 2016ء کی صبح سے قبل شائع، نشر یا ٹیلی کاسٹ نہ کیا جائے۔
صدر مملکت ممنون حسین نا یوم دفاع پاکستان نا وخت آ قوم انا پن کلہو

اسلام آباد(پاکستان نیوز پوائنٹ 05ستمبر 2016ء) صدر مملکت ممنون حسین قوم ءِ باوری ترفینے کہ پاکستان نا دفاع سوگو دوتے ٹی ءِ۔ ننا بری، بحری و فضائی فوج کسبی لائخی تیان لیس و آخبت نا گرج آتیان ہم آہنگ ءِ۔ پاکستان تینا غٹ ہمسایہ ملک آتون دوستانہ و پرامن تعلقداری تا خواہندار ءِ واہم امن نا دا خواہش ءِ نزوری تکنگپ، نن ہر جارحیت نا ورندی ءِ تننگ نا پبی لائخی تخنہ۔

او داہیت ءِ یوم دفاع پاکستان نا وخت آ قوم انا پن تینا کلہو اٹی پارے ہرا (اینو) سے شنبے آ 6ستمبر آ جوش و جوزہ اٹ اڈ تننگ انگ ءِ۔ صدر پارے کہ دا دے ننا قومی تاریخ اٹی اسہ اہم سنگ میل اسے نا حیثیت تخک، 51سال مست ننا ورناو افسر ، سیلرز و ہواباز آک جیرت و دلیری نا درشانی ءِ کرسا قوم انا شانہ بشانہ دژمن نا جارحیت ءِ بے سہب جوڑ کرسا وطن عزیز نا مقدس سیم آتا دفاع ءِ کریر۔

صدر پارے کہ دا دے ننا سلہہ بند فوج و قوم انا دا عزم و استقلال ءِ تالان کیک ہرادے ننا سالمیت ، بقاء و دفاع تون اوار اوار پاکستان نا شونہالی و شون اکن ہم جزولانیفک نا حیثیت دوئی ءِ۔ اینو ہراتم نن دا یات گار وخت آ تینا شہید و غازی تے خراج عقیدت پیش کننگ اُن، دا وخت آک ننے آن ملی یکجہتی نا مون آ دننگ و قومی سوچ ءِ تینا کننگ نا تقاضہ ءِ کیرہ ہرا پاکستان نا برخلاف مروک آ سازش ، ریشہ دوانی و چیلنج آتون گچین وڑاٹ مون تننگ کن المی ءُ۔