وفاقی وزیر خزانگ اسحاق ڈار ءِ ورلڈ اسلامک فنانس فورم ءِ چیر دستی ءَ برجم داشتگیں کانفرنس ءَ گوں گشتانک

وفاقی وزیر خزانگ اسحاق ڈار ءِ ورلڈ اسلامک فنانس فورم ءِ چیر دستی ءَ برجم داشتگیں کانفرنس ءَ گوں گشتانک

کراچی(پاکستان نیوز پوائنٹ 05ستمبر 2016ء) بُنجاھی وزیر ھزانگ اسحاق ڈار ءَ گوشتگ کہ اسلامی بینکاری ءِ دیمروئی ءِ ھاترا دلیکیمی ءَ گوں گامگیج چست کنگ ءَ اِنت۔ معیشت ءَ را مھکم کنگ ءِ ھاترا اپوزیشن مئے کمک ءَ بہ کنت۔ اے ھیالانی درشانی آئی ءَ دو شمبے ءَ ورلڈ اسلامک فنانس فورم ءِ چیردستی ءَ برجم داشتگیں دیوان ءَ گشتانک دیان ءَ کُت اَنت۔ آئی ءَ گوشت کہ وزیری ءِ سیٹ ءَ آیگ ءَ پد اسٹیٹ بینک ءَ را ہدایت کتگ کہ ملک ءَ اسلامی بینکاری ءَ را دیمروئی بہ دنت ءُُ ایش جوانی ءَ دیم ءَ بہ جُنز ایت۔

آئی ءَ گوشت کہ منی گوما مزن وزیر ءِ ھم ھمے واھشت اِنت کہ ملک ءِ اند ر ءَ اسلامی بینکاری دیمروئی بہ کنت ۔ اے ھوالگ ءَ یک کمیٹی ءِ جوڑ کنگ بوتگ ، ایشی ءَ اسلامک بینکنگ ءِ سرجمی ءَ چار تپاسی گپتگ۔ اسحاْ ڈار ءَ گوشت کہ اسلامک بینکنگ ءِ دیمروئی ءِ ھاترا انوگ ءَ تاں 3اسلامک سینٹر فار ایلسیلینس جوڑ کنگ بوتگ۔ آئی ءَ گوشت کہ مئے نیک راھی ھم اسلامی رپک آنی رد ءَ تجارت ءُُ سرمایہ کاری کنگ ءِ سبک ءَ دنت ایشی ءَ چہ بیاج ءِ نظام ءِ ھلاسی بیت۔