اسلام آباد۔ 05ستمبر (پاکستان نیوز پوائنٹ 05ستمبر 2016ء) بنجائی حکومت چین پاکستان اقتصادی راہداری ڈٹ اٹی ریلوے نا بشخ ءِ اینخو مالی سال نا بجٹ اٹی خصوصی اہمیت تننگ ءِ تانکہ اونا پوروی آن ملک انا اقتصادی و معاشی شون و شونہالی نا ہدف آتیٹی کمک دوئی کننگ مرے ، چین پاکستان اقتصادی راہداری ڈٹ انارداٹ ریلویز صوبہ پنجاب اٹی 30 درسد، صوبہ سندھ اٹی 18 درسد، بلوچستان اٹی 36 درسد، خیبرپختونخواٹی 9 درسد، گلگت بلتستان اٹی 6درسد و فاٹا ٹی اسہ درسد پوسکن ءُ ریلوے ٹریکس شاغنگک ہرافتے آ 3 ارب 69 کروڑڈالر خڑچ بریک۔
پلاننگ کمیشن نا دستاویزات آتا رداٹ سی پیک ڈٹ آتارداٹ اسہ ہزار 59 کلومیٹر حویلیاں ۔ کاشی نیو ریلوے ٹریک، پشاور آن طور خم اسکان پوسکن ءُ ریلوے لائن نا جوڑ جاڑ، حویلیاں ڈرائی پورٹ، کراچی آن ٹھری ڈبل لائن نا جوڑجاڑ، 16سد کلومیٹر کراچی آن پشاور ترند رفتار ریلوے لائن ڈٹ، کوئٹہ۔ 560 کلومیٹر ژوب ، کوٹلہ جام نئی ریلوے لائن نا جوڑ جاڑ، 633 کلو میٹر کوئٹہ ۔
تفتان لائن نا اپ گریڈیشن ، 1328کلومیٹر گوادر۔جیکب آباد اسکان پوسکنا ریلوے لائن اوارو۔ حکومت ریلویز ڈویژن کن اسہ ارب 88 کروڑ 82لکھ روپئی نا فنڈ جتاکرینے۔ گوادر ءِ کراچی تون منسلک کننگ کن پی سی ٹو ڈٹ انا فزیبلٹی کن 12کروڑ 55لکھ، وزارت ریلوے ٹی چین پاکستان اقتصادی راہداری ڈٹ اکن 10 کروڑ و حویلیاں ٹی پوسکنا ڈرائی پورٹ کن 2کروڑ 80 لکھ روپئی ہنداوڑ پورٹ قاسم آن بن قاسم اسکان ٹریک نا حالیت ءِ گچین جوڑ کننگ و ڈبلنگ آف ٹریک ڈٹ اکن اسہ ارب 16کروڑ روپئی، ہر پور بلڈھیر اٹی نیو ڈرائی پورٹ نا ڈغار نا ہلنگ و اپ گریڈیشن کن 30 کروڑ روپئی نا فنڈز جتا کرینے۔
بنجائی حکومت بجٹ اٹی چین پاکستان اقتصادی راہداری نا ڈٹ ءِ خصوصی اہمیت تننگ ءِ ، تقریباََ 46ارب ڈالر مالیت آن روڈ، ریلوے، ٹیلی کام، گوادر پورٹ، و توانائی نا کیہی ڈٹ آتا جوڑ جاڑ ڈیہہ ٹی بے روزگاری و نیزگاری نا چٹفنگ اٹی کمک رسینگک، دا کوریڈور گیم چینجر نا لائخی تخک۔ ملک و اونا الس شونہالی نا دا مزل ءِ دوئی کیرہ ہراڑتون اوفتا اومیت ءِ۔
