کراچی (پاکستان نیوز پوائنٹ 05ستمبر 2016ء) بنجائی وزیر خزانہ اسحق ڈار پارینے کہ ملک اٹی اسلامک بینکاری نا مون آ دننگ کن حکومت سنجیدگی اٹ گام گیج چست کننگءِ ، معیشت ءِ سوگو کننگ کن اپوزیشن نن تون تفے۔ داخیال آتا درشانی ءِ او دوشنبے آ ورلڈ اسلامک فنانس فورم نا کنڈآن اڈ ہلوک آ کانفرنس آن تران کرسا کرے۔ اوپارے کہ ای وزارت نا منصب ءِ سنبھالنگ آن پد اسٹیٹ بینک ءِ پارت کریٹ کہ ملک اٹی اسلامک بینکاری ءِ مون آ دننگے و اوڑکن سخت حکمت عملی اس طے کننگے۔
اوپارے کہ کن تون وزیراعظم محمد نواز شریف نا ہم خواہش ءِ کہ ملک اٹی اسلامک بینکاری ءِ مون آ دننگے و دابابت اسہ کمیٹی اس اڈتننگانے ہرااسلامک بینکنگ نا سرجمی اٹ جاچ ءِ ہلکونے۔ اسحاق ڈار پارے کہ اسلامک بینکنگ نا مون آ دننگ کن داوخت اسکان 3اسلامک سینٹر فارایکسیلینس اڈتننگانے۔ اوپارے کہ ننا مذہب ہم اسلامی وڑوڈول اٹ واپار و زرکاری نا سبخ ایتک ہراڑآن سودی نظام نا خاتمہ مرے۔
اوپارے کہ کاش کن تون جادو نا چھڑی اس مسکہ تو اسلامک بینکاری ءِ 100 درسد رائج کریٹہ۔ اوپارے کہ پاکستان دنیا نا اسٹ انگاملک ءِ ہرا اسلام نا پن آ دوئی کننگا و ہراخلقت آک اسلام تون غداری کریر او تینا انجام ءِ خنار۔ بنجائی وزیر خزانہ پارے کہ اسلامک بینکاری کن اسہ کمیٹی اس اڈتننگ انگ ءِ ہراٹی گورنر اسٹیٹ بینک، ڈپٹی گورنر اسٹیٹ بینک ، بنجائی فنانس سیکرٹری، چیئرمین ایس ای سی پی، چیئرمین ایف بی آر، بنجائی لاء سیکرٹری، چیئرمین پاکستان بینکنگ ، چیئرمین شریعہ بورڈ مفتی تقی عثمانی و ایلو فک اوار مریرہ۔
اوپارے کہ ہندا ہفتہ داکمیٹی نا نوٹیفکیشن ءِ جاری کرسا اودے فعال کننگک۔ اوپارے کہ 2008 ء ٹی بینکنگ سیکٹر اٹی ہراتنکی ودی مس اوکان پد اسلامک بینکاری نا اہمیت اٹی ودکی مسنے، انتئے کہ اسلامی نظام معیشت نا منصفانہ بشخ وپانٹ ، نیزگاری نا چٹفنگ و راجی انصاف تننگ نا سبخ ایتک۔ اوپارے کہ سی پیک ڈٹ ڈیہہ نا شون اٹی گیم چینجر ثابت مریک و داڈٹ اٹی اسلامی بینکاری نا کمک اٹ زرکاری کننگ مریک۔
اوپارے کہ بروک آ وخت آتیٹی پاکستان نا شمار 18 بھلا معیشت تخوک ملک آتیٹی مریک۔ اوپارے کہ پاکستان درست سمت اٹی شون نا سفر ءِ طے کننگ ءِ اونا اعتراف ءِ جہانی ادارہ غاک ہم کرینو۔ بنجائی وزیر خزانہ پارے کہ اسلامک بینکاری ٹی ننے مفتی تقی عثمانی نا کمک ہر کہول آ مسنے و ای اونا کوشست آتا ستاءِ کیوہ۔ اسحاق ڈار پارے کہ اپوزیشن ملک اٹی معیشت نا شون اکن نن تون تفے۔
