الیکشن کمیشن ءَ ووٹر لڑآنی تہا رجسٹریشن ءِ تپاوتءَ را ھلاس کنگءِ ھاترءَ ضلعی تکءَ رائے دہندہ سرپدی کمیٹی جوڈ کتگ اَنت، مزن گسی وزارت ءِ راجی اسمبلی ءَ نبشتہ کتگیں بیان

اسلام آباد(پاکستان نیوزپوائنٹ 13دسمبر2017ء) الیکشن کمیشن ءَ ووٹر لڑانی تہا زالبولء ُ مردین آدمانی رجسٹریشن ءِ تہا تپاوتءَ را ھلاس کنگءِ ھاترءَ ضلعی تکءَ رائے دہندہ سرپدی کمیٹی جوڈ کتگ اَنت۔ چارشمبے ءِ روچءَ راجی اسمبلی ءِ تہا مزن گسی کارانی وزارت ءِ نیمگءَ چہ نبشتہ کتگیں بیانءِ تہا ھا ل دیئگ بوتگ کہ الیکشن کمیشن ءَ زالبول آنی رجسٹریشن ءِ مہم ءِ بندات کتگ کہ ایشی ءِ ردءَ ھشت لکھ80ہزار زالبولاناں راجی پجار کا ٹ ءِ پھجارینگء ُ آھانی ووٹر رجسٹریشن کنگ بیت۔ ایشیءَ ابید ضلعی تک ءَ سرپدی کمیٹی جوڈ کنگ بوتگ کہ آھانی سروکی ءَ ضلعی الیکشن کمشنر کنت ء ُ ایشی ءِ تہا ضلعی حکومت ء ُ سول سوسائٹی ءِ تنظیمانی ھشت باسک ھوار اَنت۔