اسلام آباد(پاکستان نیوزپوائنٹ 11دسمبر2017ء) مزن وزیرءِ ریونیو ءِ ھاسیں کمک کار اختر خان ءَ گوں میاں اوستمانی بینک ءِ ٹیم ء ُ آئی ایم ایف ءِ پوسٹ پروگرام مانیٹرنگ مشن ءِ گندء ُ نند کتگ۔ اے دیوان دوشمبے ءِ روچءَ ایف بی آر ہاؤس ءَ بوتگ۔ اے موھءَ دونیمگی ھدوکی ءِ بازیں کارانی سرءَ ھیال ء ُ لیکہ ءِ درشانی کنگ بوتگ۔ ایشی ءَ ابید میاں اوستمانی مالیاتی ادارگ آئی ایم ایف ءِ ٹیکس پالیسی ء ُ انتظامی امورءِ ھوالگءَ پوسٹ پروگرام مانیٹرنگ مشن ءَ ھم مزن وزیرءِ ھاسیں کمک کار ءَ گوں گند ء ُ نند کتگ۔
چیئرمین ایف بی آر طارق محمود پاشاء ُ ایف بی آر ءِ باسک ھم اے موھءِ سرءَ ساڑی بوتگ اَنت۔ گندء ُ نندءِ تہا ٹیکس پالیسی ء ُ انتظامی کاراں ھوا ر پاکستان ءِ تہا حکومت ءِ نیمگءَ چہ ٹیکس ءِ بنیاتءَ را پراھء ُ شاھگان کنگء ُ ملکءِ تہا ٹیکس کلچر ءَ را گیش کنگءِ ھوالگ ءَ کتگیں گامگیجانی سرءَ ھیالء ُ لیکہ ءِ درشانی کنگ بوتگ۔
