ملک اٹی اسلامی بینکاری نا بشخ روایتی بینکاری نا بشخ انا نسبت 2آن 2.5گنا نا زیات کچ آن شون ہلنگ ءِ،عرفان صدیقی

ملک اٹی اسلامی بینکاری نا بشخ روایتی بینکاری نا بشخ انا نسبت 2آن 2.5گنا نا زیات کچ آن شون ہلنگ ءِ،عرفان صدیقی

اسلام آباد(پاکستان نیوز پوائنٹ 02 ستمبر 2016ء) ملک اٹی اسلامی بینکاری نا بشخ روایتی بینکاری نا بشخ انا نسبت 2آن 2.5گنا نا زیات کچ آن شون ہلنگ ءِ ، گاڈی تا ہلنگ و اُراتا جوڑ جاڑ و ہلنگ کن دوئی کروک آ جمی کڑز آتیان 50 درسد آن زیات کڑز اسلامی بینکنگ نا بشخ آن دوئی کننگ انگ ءِ۔ میزان بینک نا صدر عرفان صدیقی پارے کہ مسکوہی پنچ سال انا وخت آ اسلامی بینکاری نا بشخ انا سالانہ شرح نمو ٹی ترندی اٹ ودکی مننگ ءِ۔

اوپارے کہ داوخت آ گاڈی تا ہلنگ و اُراتا جوڑ جاڑ وغیرہ کن برجاء کروک جمی کڑز آتیان 50 درسد آن زیات کڑز اسلامی بینک آتیان دوئی کننگانے۔ دوبئی اسلامک بینک نا صدر جنید احمد پارے کہ 31مارچ 2016ء آ ختم مروک آ سہ ماہی ٹی اسلامی بینکاری نا بشخ انا ڈیپازٹس 1336ارب روپئی ئس ہرا 30 جون 2016ء آ ختم مروک آ سہ ماہی نا وخت آ 1626ارب اسکان ودا۔ اوپارے کہ ملک اٹی اسلامی بینکاری نا بشخ ترندی اٹ شون ہلنگ ءِ و داوخت آ پاکستان اٹی 22اسلامی بینک صارف آتے خذمت فراوان کننگ ءُ وخت اس کہ روایتی بینکاری نا ایلو 17 بینک ہم صارف آتے اسلامک بینکینگ نا خذمت فراوان کننگ ءُ۔

اوپارے کہ سال 2002 ء ٹی ملک اٹی اولیکو اسلامی بینک کاروبار نا بناء ءِ کریسس ہرا چانڑدہ سال انا وخت اوفتا کچ 22اسکان سرمسنے ہرا بشخ انا کارکڑد و شون ناعکاسی ءِ کیک۔