اسلام آباد(پاکستان نیوز پوائنٹ 02 ستمبر 2016ء) پاکستان مسلم لیگ (ن) نا سینیٹر کلثوم پروین پارینے کہ بلوچستان اٹی جاری ڈٹ آتا پوروی آن علاقہ نا قسمت بدلینگک۔ ریڈیو پاکستان تون ہیت وگپ کرسا اوپارے کہ گوادر پاکستان تون اوار مچ آدنیا کن اہمیت نا حامل ءِ و بروک آ وخت آتیٹی دنیا کن گیم چینجر اس ثابت مریک۔ اوپارے کہ اینو آن مست بلوچ الس محروم تا تذکرہ کرسا نظر بسرہ واہم داسا اوفتا خوشی تا دے بسنے ۔
سینیٹر کلثوم پارے کہ ننا ایب وکیب گڑاس ہندن ءُ دژمن ساڑی ارے ہرا بلوچستان نا شون ہلنگ آ اُننگ خواپسہ درحقیقت بلوچستان شون ہلیک تو پاکستان شون ہلیک۔ اوپارے کہ وزیراعظم محمد نواز شریف بلوچ الس تون کروک آ وعدہ غاتے پورو کرسا غٹ پروجیکٹس آتا بناءِ کرینے و او خواہک کہ دا غٹ ڈٹ آک بروخت ایسری اسکان رسینگر و اوفتا بھرم آک زوت آن زوت الس ءِ دوئی مریر۔ اوپارے کہ کوئٹہ، چمن ، خضدار و ژوب اکنامک ہب جوڑ مننگ آن علاقہ ٹی شونہالی بریک و بے روزگاری نا خاتمہ مریک۔ اوپارے کہ بلوچستان نا شون و شونہالی ءِ خنسا مش تیا توفوک ہرفسا تولوک آک ہم شیف دڑنگرہ و بلوچستان نا دژمن آک بوز اٹ کنیرہ۔