اسلام آباد(پاکستان نیوز پوائنٹ 02 ستمبر 2016ء) پاکستان اوغانستان جوائنٹ چیمبر آف کامرس اینڈ انڈسٹری (پی اے جے سی سی آئی ) نا چیئرمین زبیر موتی والا پارینے کہ چمن بارڈر آ باب سنگتی آ کاروباری سرجزآتا بناء خوش آئند ءِ ۔ اوپارے کہ ہڑتوم آملک آتا نیام اٹ تین پہ تینی رابطہ غاتا سوگوی کن پت سازی نا گام گیج آتا مون آ دننگ نا گرج ءِ۔ اوپارے کہ ہڑتوم آ ملک آتا پوریاگر برادری ہم تین پہ تینی رابطہ غاتا سوگوی ٹی کلیدی کڑداداکننگ کیرہ ہراڑآن نہ صرف پاک اوغان تین پہ تینی واپار ءِ مون آ دننگ دوئی مریک بلکن اوڑآن ڈیہہ نا ایلو ملک آتون ہم اقتصادی رابطہ غاتے ودفنگ اٹی کمک رسینگک۔
اوہڑتوم آ ملک آتا چیمبرز آف کامرس اینڈ انڈسٹری آ زورشاغانے کہ او تینا کاروباری مفادات آتون اوار اوار ہڑتوم آ ملک آتا نیام اٹ اقتصادی رابطہ غاتا سوگوی کن کاریم کیر تانکہ پائیدار اقتصادی سوگوی ءِ باوری جوڑ کننگے۔