اسلام آباد(پاکستان نیوزپوائنٹ 07دسمبر2017ء) وزیر مملکت اھوالکاری ءُُ شنگ کاری ءُُ راجی مڈی مریم اورنگزیب ءَ گوشت کہ ”دور ءِ آمریت“ ءَ مدام بنی آدم آنی دیمروئی ءِ نکتہ مھتلی ءِ آماچ بنت، زوراکی ءِ دور ءُُ باریگ ءَ در ملکی فنڈنگ ھم بیت ءُُ جی ڈی پی ءَ ھم گیشی بیت بلے بنی آدم دیمروئی ءِ برورد لس مردم آں تاں سر نہ بنت، جمہوری دور ءِ بندات ءَ بنی آدم آنی دیمروئی ءِ نکتہ برزی ءِ نیمگ جنزان بنت، گوستگیں چار سال ءُُ نیم ءِ ساھت ءَ پاکستان ءَ مھکمیں دیمروئی ءِ اد ءُُّ ابیل جوانتری ءَ سر بوھگ ءَ اَنت۔
2016-17 ءِ بجٹ ءَ یک تریلین کلدا دیمروئی ءِ واستہ گچین کتگ اَنت ایش ملکی راجدپتری ءِ تہءَ دُرستاں چہ گیش اِنت، ڈیٹا ءُُ اھوال ءَ ابید اِچ منصوبگ لائک ءِ عمل نہ اِنت، پاکستان دُگنیا ءِ اولی ملک اِنت کہ آھودا پارلیمنٹ ءِ اندر ءَ مھکمیں دیمروئی ءِ ھد ءُُ ابیل ءِ سیکرٹریٹ جوڑ اِنت ءُُ جوانیں کرد پیلو کنگ ءَ اِنت، صوبائی تک ءَ ھم صوبائی ٹاسک فورسز گہتریں رنگے ءَ کارکنگ ءَ اَنت۔
آ چار شمبے ءِ شپ ءَ اسلام آباد ءِ ھندی ہوٹل ءَ ایس ڈی پی آئی ءِ چیر دستی ءَ سئے روچی 20بیست ھمی مھکمیں دیمروئی کانفرنس ءَ گشتانک دیگ ءَ اَت۔ کانفرنس ءَ در ملکی مندوبین ءِ مزنیں مردم ءِ ساڑی اَت۔ وزیر ءِ مملکت مریم اورنگزیب ءَ ایس ڈی پی آئی ءِ مردم آنی نیمگ ءَ ھمک سال ءِ رنگ ءَ گوزوکیں سال ءَ ھم مھکمیں دیمروئی کانفرنس ءِ برجائی ءِ سرءَ مبارکی پیش کنان ءَ گوشت کہ اے یک جوانیں فورم اِت ادا حکومت ، بنی آدمی دیمروئی ءِ واستہ کار کنوکیں سٹیک ہولڈرز، میڈیا ءُُ میاں اوستمانی شریکدار یکجا بنت ءُُ جیڈھ آنی گیواری ءِ واستہ کوشست کن اَنت۔
آئی ءَ ڈویلپمنٹ سیکٹر ءِ ادارگ آں منیجمنٹ ڈیٹا، پالیسی ، ریسرچ ءِ شوبگ آنی تہءَ حکومت ءِ سرجمیں کمک کت۔ آئی ءَ گوشت کہ وھد ءِ ملینئنم ڈویلمنٹ گولز( ایم ڈی جیز) اتک اَنت گڈا آ ھم زوراکی ءِ ڈالاں بوت اَنت، زوراکی ءِ دور ءُُ باریگ مُدام بنی آدم آنی دیمروئی ءِ نکتہ پشتی ءِ آماچ بوتگ اَنت ءُُ وھد ءِ پاکستان ءِ توک ءَ جمہوری باریگ اتکگ گڈا بنی آدمی دیمروئی وتی بُرزیں بالاد ءَ سر بوتگ۔
