اسلام آباد(پاکستان نیوزپوائنٹ 07دسمبر2017ء) صدر مملکت ممنون حسین ءَ کنونشن سینٹر ءَ عید میلادالنبی ءِ ھوالگ ءَ برجم داشتگیں مراگش ءَ علامہ اقبال اوپن یونیورسٹی ءِ ”سیرت سٹڈیز ”ءِ سر ءَ ریسرچ جنرنل ءَ را 2017ءِ جوانتریں وانشتی چاپ نامینان ءَ ھاسیں ایوارڈ دات۔ تاکبند ءِ ایڈیٹر، ڈاکٹر معین الدین ہاشمی ءَ صدر مملکت ءَ چہ داد زُرت۔ اے مراگش ءَ وائس چانسلر، پروفیسر ڈاکٹر شاہد صدیقی ھم ساڑی اَت ۔
وزارت ءِ نیک راھی کار ءَ ”اسلامی ریاست ءَ راجی سروکی ءِ جوانیں رھبند: سیرت ءِ چیر دستی ءَ “ ءِ بُن گپ ءِ سرءَ صوبائی ءُُ آل پاکستان ءِ تک ءَ آرٹیکلز نبشتہ کنگ ءِ باج برئی ءِ بندات کتگ بوتگ۔ صوبائی تک ءَ برجم داشتگیں باج برئی آنی تہءَ یونیورسٹی ءِ ڈاکٹر احمد رضا ءَ جوانیں آرٹیکلز نبشتہ کنگ ءِ سر ءَ اولی دات دزگیر کت وھدیکہ ڈاکٹر عائشہ صنوبر ءُُ نازیہ گوہر ءَ ھاسیں دات دزگیر کت اَنت۔
آل پاکستان باج برئی ءَ اوپن یونیورسٹی ءِ پی ایچ ڈی اسکالر ءَ اولی داد دزگیر کتگ، ھمے رنگ ءَ اوپن یونیورسٹی ءِ کنونشن سینٹر ءَ برجم داشتگیں مراگش ءَ پنچ راجی ایوارڈ دیگ بوت۔ وائس چانسلر، پروفیسر ڈاکٹر شاہد صدیقی ءَ وتی کلوہ ءِ تہءَ گوشت کہ اوپن یونیورسٹی ریسرچ کلچر ءِ دیمروئی ءَ ھاسیں دلگوشی دیگ ءَ انت ءُُ ھد ءُُ ابیل آنی دزگیر کنگ ءِ واستہ فیکلٹی ممبر آنی مالی آسراتی ءُُ توسیپی سند دینت اِنت۔ ھمے وجہ اِنت کہ مرچی مئے یونیورسٹی ءَ پنچ دات کٹ اِتگ، ایشی ءِ سرءَ مارا پھر اِنت، آئی ءَ گوشت کہ یونیورسٹی ءِ 14 ریسرچ جرنل شنگ کتگ وھدیکہ سئے بھر شنگ کاری ءِ بھر آنی تہءَ اِنت۔
