زاہد ملک نا صحافی خذمت آتے ہرے اسکان یات تخنگک۔

اسلام آباد(پاکستان نیوز پوائنٹ یکم ستمبر 2016ء) صدرمملکت ممنون حسین بزرگ صحافی و ہردے ئی ”پاکستان آبزرور“ نا ایڈیٹر انچیف زاہد ملک نا کذیت آ ڈکھ و افسوز نا درشانی ءِ کرسا پارے کہ زاہد ملک نا صحافتی خذمت آتے ہرے اسکان یات تخنگک ۔ پنچ شنبے آ تینا ہڑزخواہی کلہو اٹی او زاہد ملک ءِ خراج عقیدت پیش کرسا پارے کہ اونا صحافتی بشخ انا خذمت آتون اوار اوار دینی خذمت ہم ارے ہرافتے ٹی مضامین قرآن نا انڈیکس و اونا کیہی زبان آتیٹی ترجمہ خاص وڑاٹ قابل ذکر ءُ ۔ صدر مملکت پارے کہ زاہد ملک بھاز انگا خوبی تا مالک ئس و اونا شعبہ صحافت اٹی خذمت آتے ہر ے اسکان یات تخنگک۔ صدر مملکت دعا کرے کہ اللہ تعالیٰ اونا بخشش و اونا خاہوت ءِ صبر کننگ نا توفیق عطاء فرمائفے۔