مزن وزیر شاہد خاقان عباسی ءِ گوادر دکہ ایسٹ بے ایکسپریس وے ءِ بُن ھشتی سنگ ءِ ایر کنگ ءِ مراگش ءَ گشتانک

مزن وزیر شاہد خاقان عباسی ءِ گوادر دکہ ایسٹ بے ایکسپریس وے ءِ بُن ھشتی سنگ ءِ ایر کنگ ءِ مراگش ءَ گشتانک

گوادر(پاکستان نیوزپوائنٹ22نومبر2017ء) مزن وزیر شاہد خاقان عباسی ءَ گوشت کہ پاکستان مسلم لیگ (ن) ءِ استیں حکومت ایوک ءَ گپ نہ جنت بلکینگ ءَ گامگیج چست کنگ ءِ سر ءَ دل یکیمی دار ایت، سی پیک ءَ چہ پاکستان ءَ سک باز دیمروئی بوتگ ایشی ءَ چہ پاک چین یکوئی ءَ را نوکیں زرمبش ءِ رستگ، دیمروئی ءُُ وشھالی ءِ منصوبگ آں چہ گوادر ءِ ماھیگ کُش آنی یک کسانیں کوچگ ءِ میاں اوستمانی ارزسشت کرزیں شہر ءِ جوڑ بیت، پاکستان یک جوانیں ءُُ برجائیں جمہوریت اِت ءُُ بُکگ جنگ جمہوریت ءِ شرپ ءُُ سینگار اِنت بلے الحمد اللہ سی پیک ءِ سر ءَ سرجمیں پاکستان یک مشت اِنت، سی پیک یکجائی وشھالی ءِ وڑن اِنت اے منصوبگ پیسریگیں مزن وزیر نوازشریف ءُُ چینی مزن وزیر ءِ وڑن ءِ آدینک اِنت، سی پیک ءَ چہ دوئیں ملک آنی دوستی ءِ نوکیں زرمبش دنت۔

آئی ءَ اے گپ چار شمبے ءِ روچ ءَ اِدا گوادر دکہ ایسٹ بے ایکسپریس وے ءِ بن ھشت ءِ ایر کنگ ءِ مراگش ءَ گشتانک دیان ءَ کت اَنت۔ اے موہ ءِ سر ءَ تہی کارانی وزیر احسن اقبال، بُنجاھی وزیر میری ٹائم افیئرز میر حاصل بزنجو، گورنر بلوچستان محمد خان اچکزئی، چینی سفارتکار یانگ ینگ، سر وزیربلوچستان نواب ثناء اللہ خان زہری، بُنجاھی وزیر سیفران عبدالقادر بلوچ، وزیر مملکت پٹرولیم جام کمال خان، وزیر مملکت میری ٹائم افیئرز جعفر اقبال، کمانڈر سدرن کمانڈر لیفٹیننٹ جنرل عاصم باجوہ، چینی کنسٹرکشن کمپنی ءِ کارندہ ءُُ ایندگہ ٹوھیں کارندہ ساڑی اتنت۔

مزن وزیر ءَ گوشت کہ مرچی آئی ءِ واستہ گیش واھگ ءُُ دوستی ءُُ بُرزیں شرپ گندگ بیت آ اے مراگش ءَ ساڑی اِنت۔ گوادر ءَ دیمروئی ءِ دگہ یک منصوبگ ءِ دوئیں ملک آنی نیام ءَ بے دروریں دوستی ءُُ یکوئی ءِ دگہ یک درور اِت، پاکستان ءُُ چین ءِ نیام ءَ 70سال ءِ آزمودگیں دوستی اِت ءُُ گوادر ءِ دیمروئی پاکستان ءُُ چین ءِ نیام ءَ کمک ءُُ دوستی ءِ مھکمیں درور اِت۔