وزیراعلیٰ بلوچستان نا کماشی ٹی دیوان، وزیراعظم محمد نواز شریف نا دورہ سبی و گوادر نا سیکورٹی و ایلو بست وبند آتا جاچ

وزیراعلیٰ بلوچستان نا کماشی ٹی دیوان، وزیراعظم محمد نواز شریف نا دورہ سبی و گوادر نا سیکورٹی و ایلو بست وبند آتا جاچ

کوئٹہ (پاکستان نیوز پوائنٹ 31اگست 2016ء) وزیراعلیٰ بلوچستان نواب ثناء اللہ خان زہری نا کماشی ٹی چارشنبے نا دے داڑے اڈ ہلوک آ دیوان اٹی وزیراعظم محمد نواز شریف نا دورہ سبی و گوادرنا سیکورٹی و ایلو بست و بند آتا جاچ ءِ ہلسا اوفتے گڈیکو دروشم تس۔ چیف سیکرٹری بلوچستان سیف اللہ چٹھہ ، آئی جی پولیس احسن محبوب ، سیکرٹری داخلہ ڈاکٹر اکبر حریفال ، سیکرٹری ایس اینڈ جی اے ڈی بلال جمالی، ڈی آئی جی ایف سی بریگیڈیئر طاہر تون اوار ایلو تعلقدار کمامدارآک دیوان اٹی شرکت کریر۔

کمامدارآتا کنڈآن وزیراعلیٰ ءِ وزیراعظم نا دورہ نا بست و بندآتا بارواٹی بریفنگ تننگا۔ وزیراعلیٰ پارے کہ وزیراعظم نا دورہ بلوچستان بے کچ اہم و تاریخی نوعیت نا ءِ ہراٹی او سبی ، کوہلو روڈ نا افتتاح تون اوار اوار گوادر اٹی سی پیک آن بابت اہم ڈٹ آتا افتتاح و بنداو ءِ تخک۔ دا غٹ ہمو ڈٹ آک ءُ ہرافتے آن نہ صرف بلوچستان بلکن ملک انا سیاسی و راجی، معاشی و اقتصادی آخبت وابستہ ءِ، وزیراعلیٰ پارے کہ وزیراعظم نا دورہ داہیت انا ہم مظہر ءِ کہ او بلوچستان ءِ بے حد عزیز تخک و اونا شون و شونہالی ٹی وزیراعظم ءِ بھاز است خواہی ءِ، ہراڑکن نن اونا بے حد منت وار اُن، وزیراعلیٰ پارت کرے کہ وزیراعظم نا دورہ نا سیکورٹی تون اوار ایلو بست وبند آتے بروخت پورو کننگے۔