اسلام آباد۔(پاکستان نیوز پوائنٹ 31اگست 2016ء) دفاعی امور نا چاہندار ڈاکٹر فرحت حق پارینے کہ امریکہ ءِ مرے کہ او کشمیر اٹی بھارتی بیدادی ءِ بند کرفنگ و ویل انا ایسری کن تینا کڑد ءِ ادا کے۔ ریڈیو پاکستان تون ہیت وگپ کرسا اوپارے کہ بھارت دنیا نا مون آ تینے بھلو جمہوری ملک اس ظاہر کیک وخت اس کہ حالیت آک اونا باالکل جتاءُ اونا تہہ نا حالیت، نیزگاری ، شیفکو ذات آتون برتاؤ و کشمیر اٹی بیدادی اونا مکروہ دروشم ءِ دنیا نا مون آ پیش کیک۔
اوپارے کہ امریکہ صدر اوباما مودی تون تینا ذاتی تعلقداری و ڈیہہ ٹی چین نا مقابلہ ٹی بھارت ءِ اسہ پوسکن ءُ واک اسے نا وڑاٹ مون آ اتنگ نا بنداو آ ہڑتوم آ ملک آتا تعلقداری تے مون آ دننگ ءِ۔ اوپارے کہ دنیا بھارت نا سفارتی تعلقداری و واپار ءِ ہرک اونا منفی پروپیگنڈہ غاتے نظر انداز کیرہ۔ ڈاکٹر فرحت حق پارینے کہ امریکہ بے لوز اٹی کشمیر اٹی بھارتی بیدادی نا تنقید ءِ تو کیک واہم اودے مرے کہ او صاف لوز اٹی کشمیر اٹی بھارت نا کنڈآن انسانی حق انا پامالی تیا ہیت کے۔ اوپارے کہ امریکہ ءِ مرے کہ او ویل انا ایسری کن تینا کڑد ءِ ادا کے۔
