امن نا بحالی کن تینا جان تے ندر کروک آ شہید آتا قربانیک گم مفسہ، شہید آتے مشن ءِ مون آ دننگک، وزیراعلیٰ بلوچستان نواب ثناء اللہ خان زہری

کوئٹہ(پاکستان نیوزپوائنٹ15نومبر2017ء) وزیراعلیٰ بلوچستان نواب ثناء اللہ خان زہری بلوچستان اٹی فرض ءِ پورو کننگ اٹی شہید مروک آ آفیسر کارندہ غاتا معاوضہ غاتا پیکج اٹی ودکی نا پارت کرسا پارے کہ نن شہید آتا خاہوت آتون تفوک اُن و اوفتے تنیا الیپنہ، داخیال آتا درشانی ءِ او چارشنبے نادے شہید مروک آ ڈی آئی جی حامد شکیل نا اُرا اونا ایلم و فرزندہ غاتون ہڑزخواہی نا وخت آ ہیت وگپ کرسا کرے۔ وزیراعلیٰ بلوچستان پارے کہ شہید آتا خاہوت آتا جوزہ ستاکڑزوک ءِ۔ شہید آتا مشن ءِ مون آ دننگک، امن نا بحالی کن تینا جان تے ندر کروک آ شہید آتا قربانیک گم مفسہ، داوخت آ صوبائی وزیر داخلہ میر سرفراز بگٹی ، صوبائی وزیر آک و آئی جی پولیس معظم جاہ انصاری ئسک ہم ساڑی ئسر۔