کوئٹہ(پاکستان نیوزپوائنٹ14نومبر2017ء) وزیراعظم شاہد خاقان عباسی پارینے کہ بلوچستان اٹی امن کن غٹ کانودفافذ کروک آ ادارہ غاتا کارندہ غاتا قربانیک بے مٹ ءُ، امن و ایمنی نا حالیت آتے گچین جوڑ کننگ کن بنجائی حکومت بلوچستان نا حکومت ءِ ہروڑنا کمک فراوان کیک، اوداہیت ءِ سے شنبے نادے داڑے بلوچستان اٹی امن و ایمنی نا حالیت آتا بارواٹی دیوان نا کماشی ءِ کرسا پارے۔
وزیراعظم آفس نا میڈیا ونگ نا کنڈآن جاری بیان نا رداٹ دیوان اٹی گورنر بلوچستان محمد خان اچکزئی ، وزیراعلیٰ بلوچستان سردار ثناء اللہ زہری، بنجائی وزیر ریاستیں و سیمی امور لیفٹیننٹ جنرل (ر) عبدالقادر بلوچ ، قومی سلامتی نا سلاہکار لیفٹیننٹ جنرل (ر) ناصر خان جنجوعہ ، کمانڈر سدرن کمانڈ لیفٹیننٹ جنرل عاصم سلیم باجوہ ، آئی جی ایف سی ، وزیر داخلہ بلوچستان، چیف سیکرٹری بلوچستان، آئی جی پولیس و ایلو سینئر کمامدارآک ساڑی ئسر۔ دیوان کوئٹہ ٹی دہشت گردی نا ساڑی آ واقعہ نا شہید آتے کن دعا کرے۔ سیکرٹری ہوم بلوچستان امن و ایمنی نا بارواٹ سرجم بریفنگ تس۔ دیوان اٹی شیعہ زائر آتے کن سیکورٹی گام گیج آتیا سرجم ہیت وگپ مس۔
