کوئٹہ(پاکستان نیوزپوائنٹ14نومبر2017ء) وزیراعظم شاہد خاقان عباسی پارینے کہ بلوچستان نا الس نا راجی و اقتصادی شونداری بنجائی حکومت نا اولیت ءِ۔ اوداہیت ءِ سے شنبے نادے داڑے گورنر ہاؤس اٹی بلوچستان نا شونداری ڈٹ آتا بارواٹی دیوان نا کماشی ءِ کرسا پارے۔ وزیراعظم آفس نا میڈیا ونگ نا کنڈآن جاری بیان نارداٹ دیوان اٹی گورنر بلوچستان محمد خان اچکزئی ، وزیراعلیٰ بلوچستان سردار ثناء اللہ خان زہری ، بنجائی وزیر ریاستیں و سیمی امور لیفٹیننٹ جنرل (ر) عبدالقادر بلوچ ، قومی سلامتی نا سلاہکار لیفٹیننٹ جنرل (ر) ناصر خان جنجوعہ، کمانڈر سدرن کمانڈ لیفٹیننٹ جنرل عاصم سلیم باجوہ ، صوبائی وزیر داخلہ و ڈٹ بندی و شونداری ، چیف سیکرٹری بلوچستان و ایلو کمامدارآک ساڑی ئسر۔
ایڈیشنل چیف سیکرٹری (شونداری ) سی پیک ڈٹ آتون اوار شونداری ڈٹ، ٹیوب ویل آتے شمسی توانائی اٹ چلیفنگ، خصوصی اقتصادی زون ، آبی انتظام نا ڈٹ و تیل و گیس انا پٹنگ نا ڈٹ آتا بارواٹ سرجم بریفنگ تس۔
