اسلام آباد(پاکستان نیوز پوائنٹ 30اگست 2016ء) بنجائی وزیر سینیٹر اسحاق ڈار پارینے کہ بنجائی حکومت این ایف سی ءِ زوت گڈیکو دروشم تننگ خواہک، دا چرجوئی ٹی صوبہ غاک تینا کاریم ءِ پورو کرینو و بروک آ مالی سال اٹی پوسکنا این ایف سی نارداٹ فنڈ تننگک۔ او سے شنبے آ داڑے این ایف سی آن بابت اسہ دیوان اسے آن گڈ وزیراعلیٰ سندھ مراد علی شاہ تون اوار میڈیا تون ہیت وگپ کریکہ۔
بنجائی وزیر پارے کہ ننا کوشست ءِ کہ 31 دسمبر اسکان این ایف سی ءِ گڈیکو دروشم تننگے، دا چرجوئی ٹی 5ستمبر آ لاہور اٹی دیوان اس مریک۔ اوپارے کہ نن آئین نا رداٹ مون آ کانہ۔ صوبہ غاک تینا کاریم ءِ پورو کرینو۔ بروک آ مالی سال اٹی پوسکنا این ایف سی نا رداٹ صوبہ غاتے فنڈز ملک۔ داوخت آ سندھ انا وزیراعلیٰ مراد علی شاہ پارے کہ نن بنجا تون اواری اٹ کاریم کننگ اُن۔ اوپارے کہ نن خوانہ کہ پوسکنا این ایف سی ءِ 31 دسمبر اسکان گڈیکو دروشم تننگے۔داکان مست این ایف سی آن بابت دیوان اٹی بنجائی وزیر خزانہ سینیٹر اسحاق ڈار جولائی آن دسمبر 2015ء کن این ایف سی نا اولیکو ششماہی مانیٹرنگ رپورٹ نا منظوری ءِ تس۔ دیوان اٹی صوبہ غاتا کنڈآن مالیاتی حساب و کتاب آ اعتراض کننگ تو۔
