انسداد دہشت گردی نا خصوصی عدالت ڈاکٹر عمران فاروق نا خون نا دوبہ ٹی دزگیر دوبہ دارتا جوڈیشل ریمانڈ اٹی پین 9 دے انا ودکی کرے، سماعت 8 ستمبر اسکان ملتوی

انسداد دہشت گردی نا خصوصی عدالت ڈاکٹر عمران فاروق نا خون نا دوبہ ٹی دزگیر دوبہ دارتا جوڈیشل ریمانڈ اٹی پین 9 دے انا ودکی کرے، سماعت 8 ستمبر اسکان ملتوی

اسلام آباد(پاکستان نیوز پوائنٹ 30اگست 2016ء) انسداد دہشت گردی نا خصوصی عدالت ایم کیو ایم نا کسرشون ڈاکٹر عمران فاروق نا خون ءِ کننگ نا دوبہ ٹی دزگیر دوبہ دار خالد شمیم، معظم علی و محسن علی نا جوڈیشل ریمانڈ اٹی پین 9 دے انا ودیکی کرسا سماعت ءِ 8 ستمبر اسکان ملتوی کرینے۔ سے شنبے آ اسلام آباد نا انسداد دہشت گردی نا خصوصی عدالت اٹی ڈاکٹر عمران فاروق خون کیس انا سماعت مس تو داوخت آ عدالت میڈیا نا پترینگ انگ آ پابندی خلک۔

سماعت آن گڈ عدالتی کارندہ اس پارے کہ ڈاکٹر عمران فاروق خون کیس اٹی ہچ ءُ پیش رفت اس متنے۔ یات سلے کہ بنجائی جاست وپاستی ادارہ (ایف آئی اے) ایم کیو ایم نا کسرشون ڈاکٹر عمران فاروق نا خون ءِ کننگ نا دوبہ ٹی دوبہ دار معظم علی، محسن علی و دوبہ دار خالد شمیم نا برخلاف مقدمہ درج کرسا کارروائی نا بناءِ کریسس۔