بنجائی دارالحکومت نا رہینگوک آتا اسلام آباد ریلوے اسٹیشن ءِ پین فعال جوڑ کننگ نا خواست

اسلام آباد(پاکستان نیوز پوائنٹ 30اگست 2016ء) بنجائی دارالحکومت نا رہینگوک آک حکومت آن خواست کرینو کہ اسلام آباد ریلوے اسٹیشن ءِ پین فعال جوڑ کننگے و داکان کراچی و لاہور آن بیدس ایلو بھلا شارتے کن ہم ٹرین سروس نا بناءِ کننگے۔ اسہ رپورٹ اسے نا رداٹ اسلام آباد آن گرین لائن ٹرین سرو س نا بناء کننگ آ داجاگہ نا رہینگوک آک خوشی و گلوبالی نا درشانی ءِ کرسا اومیت ظاہر کرینو کہ ساڑی آ حکومت پشاور، کوئٹہ ، ملتان و فیصل آباد تون اوار ایلو بھلا شارتے کن ہم داکان ٹرین سروس نا بناءِ کیک۔ یات سلے کہ اسلام آباد آن لاہور کن ٹرین سروس ہِننگ ءِ وخت اس کہ ساڑی آ حکومت گرین لائن ٹرین سروس نا ہم بناءِ کرینے ہراٹی الس بے حد است خواہی ظاہر کرینو۔