اسلام آباد۔(پاکستان نیوز پوائنٹ 30اگست 2016ء) پاکستان بزنس مین اینڈ انٹیلیکچوئیل فورم نا صدر میاں زاہد حسین پارینے کہ دنیا آن نیزگاری نا چٹفنگ کن سالانہ 350 آن 500 کھرب ڈالر نا گرج ءِ تانکہ دنیا آن نیزگاری نا چٹفنگ، جان جوڑی و تعلیم نا آسراتی تیٹی ودکی و موسمیاتی بدلی تا نسخان آتا ازالہ ءِ کننگ مرے۔ تینا اسہ بیان اسے ٹی اوپارے کہ دنیا نا شون ہلوک ملک آک دابابت تینا پبی کڑد ادا کننگ اٹی بے سہب ءُ ہرانا سوب مچ آ دنیا ٹی جان جوڑی ، تعلیم ، موسمیاتی بدلی و نیزگاری کون آ ویل آتیٹی دے پہ دے ودکی مننگ ءِ۔
اوپارے کہ شون ہلوک ملک آک دنیا آن نیزگاری و ایلو راجی ویل آتا چٹفنگ کن پیسہ خڑچ کننگ آن بیدس دفاع نا بشخ آ سالانہ ارب آڈالر خڑچ کننگ ءُ ہراڑآن بھاز انگا ویل آک ودی مننگ ءُ۔
