بلوچستان نا ایلو علاقہ غاتیامبار لسبیلہ ٹی ہم پولیو نا مسہ دے ئی قومی مہم نا بناء

بلوچستان نا ایلو علاقہ غاتیامبار لسبیلہ ٹی ہم پولیو نا مسہ دے ئی قومی مہم نا بناء

کوئٹہ(پاکستان نیوز پوائنٹ 29اگست 2016ء) بلوچستان نا ایلو علاقہ غاتیامبار لسبیلہ ٹی ہم پولیو نا مسہ دے ئی قومی مہم نا بناءِ کننگانے اسہ لکھ 6 ہزار چناتے پولیو آن بچفنگ نا پڑی کنفنگک بلدیاتی نمائندہ و الس اُرااُرا غا بروک آ موبائل ٹیم آتون کمک کیر۔ داخیال آتا درشانی ءِ ADCلسبیلہ طلحہ سلیم ، و DHO لسبیلہ ڈاکٹر غلام فاروق ہوت افتتاحی دود آن تران کرسا کریر۔

اوپاریر کہ پولیو مہم نا وخت آ لسبیلہ ٹی ہم سیکورٹی ءِ ہائی الرٹ کننگانے محکمہ جان جوڑی نا موبائل ٹیم تے لیویز و پولیس نا سیکورٹی ہم تننگ انگ ءِ ، پولیو اسہ خطرناک خراب ءُ مرض اسے ہرانا چٹفنگ کن ننے غٹ ءِ تینا زمہ واری تا احساس ءِ کروئی مریک، اوپارے کہ پولیو آن بچفنگ کن حکومت ہم عملی وڑاٹ گام گیج چست کننگ ءِ، لسبیلہ ٹی پولیو نا قومی مہم 30 اگست آن ہلیس یکم ستمبر اسکان برجاء سلک ، بلدیاتی نمائندہ غاک ہم پولیو نا مہم اٹی زیات آن زیات بشخ ہلیر و محکمہ جان جوڑی نا کنڈآن ضلع ہذا نا مر مر انگا و دشوار گزار علاقہ غاتیٹی موبائل ٹیمک رادہ مسنو ہرا تینا ٹارگٹ ءِ پورو کننگ کن پولیو نا پڑی کنفنگ اٹی اختہ ءُ، داکان گڈ ADC طلحہ سلیم DHO لسبیلہ ڈاکٹر غلام فاروق ہوت، ایکسین B/Rاشرف بلوچ، ایم ایس ڈاکٹر عبدالواحد زہری ، ایدھی بلوچستان نا انچارج ڈاکٹر حکیم لاسی، PPHI نا ثاقب علی ، حاجی خان، ڈاکٹر تصدق ندیم ، ڈاکٹر احسان بھٹی و انجینئر عبدالرحمان لاسی ہم سول ہسپتال اوتھل اٹی چناتے پولیو آن بچفنگ نا پڑی ہم ہم کنفیر۔