اسلام آباد (پاکستان نیوز پوائنٹ 29اگست 2016ء) بنجاایوان ہائے صنعت و واپار(ایف پی سی سی آئی ) نا صدر عبدالرؤف عالم پارینے کہ کاروباری تپہ چین پاکستان اقتصادی راہداری ءِ پورو کننگ اٹی ہروڑ کمک فراوان کیک، بنداوی ڈھانچہ نا جوڑ جاڑ و ایلو ڈٹ آتیان ہر تپہ غاتا خلقت آتے فائدہ مریک۔ داخیال آتا درشانی ءِ او دوشنبے آ داڑے سی پیک سمٹ و ایکسپو آن تران کرسا کرے۔
اوپارے کہ سی پیک ڈٹ وزیراعظم محمد نواز شریف نا بھاز بھلو سرسہبی اسے و پوریا گر برادری دا ڈٹ ءِ سرسہب جوڑ کننگ اٹی پبی کمک فراوان کیرہ۔ اوپارے کہ ڈٹ ءِ پورو کننگ اٹی پاکستان نا کاروباری تپہ ہروڑنا کمک کیک، بنداوی ڈھانچہ نا جوڑ جاڑ و ایلو ڈٹ آتیان ہر تپہ نا خلقت آتے فائدہ مریک۔ اوپارے کہ چین پاکستان اقتصادی راہداری ڈٹ آن پاکستان نا برآمدات آتیٹی ہم ودکی مریک، ملک اٹی اقتصادی و راجی بشخ انا دا انقلابی ڈٹ آ نن چین نا منت وار اُن۔
