اسلام آباد (پاکستان نیوز پوائنٹ 29اگست 2016ء) پاکستان اٹی چین نا سفیر سن وی ڈونگ پارینے کہ ڈیہہ نا شون چین نا دیرینہ تغ ءِ ، چین پاکستان ءِ تینا آئرن فرینڈ سرپند کیک، چین پاکستان اقتصادی راہداری صرف چین وپاکستان نا نیام اٹ کمکاری ءِ ودفنگ نا حکمت عملی نا پن اف بلکن دا دا مچ آ ڈیہہ نا شون و شونہالی کن اہمیت نا حامل ڈٹ ءِ۔ دوشنبے آ داخیال آتا درشانی ءِ او سی پیک ڈٹ انا سمٹ و ایکسپو نا افتتاحی سیشن آن تران کرسا پارے۔
چینی سفیر پارے کہ اقتصادی راہداری ہڑتوم آ ملک آتا نیام اٹ اہم بشخ آتیٹی کمکاری آ مبنی گام گیج وڈٹ آتا جامع پیکج ءِ ہراٹی اطلاعات نا نیٹ ورک ، بنداوی ڈھانچہ ، توانائی ، صنعت، کشت و کشار، سیل و سوات و چندی ایلو بشخ آک اوارو۔ اوپارے کہ ہڑتوم آ ملک آتا تعلقداری تے بڑزاسکان سرکننگ کن اہم موقع اس مون آ بسنے و ننے دا ڈٹ ءِ سرسہب جوڑ کننگ اٹی تینا کڑد ءِ ادا کروئی مریک۔
چینی سفیر پارے کہ چین پاکستان اقتصادی راہداری ڈٹ چینی صدر نا وژن نا عکاسی ءِ کیک، داسال پاکستان و چین سفارتی تعلقداری تا 60می سال دے ہم اڈتننگ ءِ۔ اوپارے کہ چین پاکستان اقتصادی راہداری صرف چین و پاکستان و نیام اٹ کمکاری ءِ ودفنگ کن حکمت عملی نا پن اف بلکن دا دا مچ آ ڈیہہ نا شون و شونہالی کن اہم کڑد ادا کیک۔ اوپارے کہ چین نا پنی کمپنیک و زرکار آک پاکستان اٹی کیہی بشخ آتیٹی زرکاری کننگ ءِ۔
