کوئٹہ(پاکستان نیوز پوائنٹ 29اگست 2016ء) آجوئی ٹرین ءِ مچ آ ملک اٹی 11 اگست 2016ء آن ہلیس داوخت اسکان 50 لکھ آن زیات بندغ خنانو و دا وطن تون مابت نا درشانی نا اسہ صفاءُ مثال اسے، کوئٹہ ریلوے اسٹیشن آ ارٹ میکو دے ہم الس نا بھلو کچ اس آجوئی ٹرین نا کیہی بشخ آتا وزٹ ءِ کرسا است خواہی نا درشانی ءِ کریر، ڈی ایس ریلوے کوئٹہ ڈویژن حنیف گل و پاکستان ریلوے نا پبلک ریلیشنز آفیسر سید اعجاز الحسن دوشنبے آ”اے پی پی“ تون ہیت وگپ کرسا پارے کہ ہراوڑ خلقت آک مابت نا درشانی و آجوئی ٹرین ءِ اُننگ اٹی است خواہی ہلنگ ءُ او قابل دید و وطن عزیز تون مابت ءِ۔
او پارے کہ آجوئی ٹرین نا کل 18 بوگی ءُ ہرافتے آ ہرچار آ صوبہ غاتا فلوٹ، اسٹالز و فوٹوگیلری الس نا توجوہ نا مرکز جوڑ مسنو، اسکول و کالج آتا طالب علم آتا بھلو کچ اس ساڑی ئس ٹرین ءِ جشن آجوئی نا بابت آن زیب دار وڑاٹ بیرفنگاسس۔ اوپارے کہ بنجائی وزیر ریلوے سعد رفیق آجوئی ٹرین نا تیاری تا تینٹ چاروکی ءِ کرے ، آجوئی ٹرین اسلام آباد آن پشاور، لاہور، سکھر آن مرسا بلوچستان اٹی پترینگا تو صوبہ نا الس بھا ز زیات مابت تس کسر اٹی اسہ نن اس سبی اسٹیشن آ سلیس ہراڑے خلقت آتا بھلو کچ اس ٹرین نا کیہی اسٹالز و بشخ آتے ہرسا است خواہی و وطن تون مابت نا درشانی ءِ کریر۔
اوپارے کہ آجوئی ٹرین سبی آن پد وادی بولان اٹ پترینگا ہراڑے آب گم اسٹیشن ، مچھ و کولپور آ الس نا بھلو کچ اس ساڑی سلیس ہرا آجوئی ٹرین ءِ ہرسا کریر و تینا است خواہی نا درشانی ءِ کرسا کریر، تدوک آنن میوزیکل شو اٹی بھلو کچ اسے ٹی الس شرکت کرے کوئٹہ ریلوے اسٹیشن آ الس نا بھلو کچ اس ساڑی ئس۔ دوشنبے آ کیہی میڈیا چینلز آک آجوئی ٹرین نا کوریج ءِ کریر، اسٹیشن آ جشن نا سمائس، شاری تا بھلو کچ اس آجوئی ٹرین اٹی بیرفنگوک آ کیہی صوبہ غاتا دودوربیدہ ہی اسٹالز آتے ہرسا کریر و عکس جوڑ کرسا کریروخت اس کہ ٹرین ناڈبہ غاتیٹی آئی ایس پی آر، مقبوضہ کشمیر و انفارمیشن نا بیرفوک آ ڈبہ غاک الس نا توجوہ نا جوڑ مس۔
