اسلام آباد (پاکستان نیوز پوائنٹ 27اگست 2016ء) وزیراعظم محمد نوازشریف ءَ بھارتی مقبوضہ کشمیر ءَ رستری داب ءَ مردم آنی جنگ ءُُ چوپگ ءُُ میاں اوستمانی ھک آنی ترندی ھلاپ کنگ ءَ را میاں اوستمانی تک ءَ جیڈھ ءَ را ڈن ءَ کنگ ءِ ھاترا 22پارلیمانی باسک ءِ ھاسیں نمائندگ آنی بستار ءَ نامینتگ اَنت۔ مزن وزیر ءَ گوشت کہ کشمیر ءِ کیس ءَ ر ا چست ءُُ ایر کنگ ءِ ھاترا اے باسک آناں دُگنیا ءِ کُنڈ کنڈ ءَ رواندیگ ءِ پیسلہ کتگ۔
آئی ءَ گوشت کہ اے ھاسیں نمائندگ آناں پاکستان ءِ اُلس ءِ زور ءُُ لائن آف کنٹرول ءِ آدیمے کشمیری آنی نیک دُعا گون اَنت گوں۔ ایش پارلیمنٹ ءِ مینڈیٹ ءُُ حکومت ءِ منوگری ھم آوانی گوما اِنت۔ مزن وزیر محمد نواز شریف ءَ گوشت کہ آ سرجمیں دُگنیاء کشمیر ءِ جیڈھ آرا شنگ ءُُ تالان کنگ ءَ پہ توامیں رنگے جُہد ءُُ کوشست کنت۔ آ گوں کشمیری آں ھمگام ءَ اوشتاتگ۔
تانکہ اقوام ءِ متحدہ ءِ آیوکیں ستمبرے میٹنگ ءَ رپوٹ آں پیش بکنت۔ مزن وزیر ءَ گوشت کہ ما اقوام ءِ متحدہ ءَ را آئی کتگیں سوگند آں یات ءَ گیجاں۔ما اے گپ ءَ ساپ کناں کہ بھاررت ءَ کشمیر ءِ جیڈھ اقوام ءِ متحدہ ءِ کرا بُرتگ بازیں سال آں پیشتر بلے مرچی وتی جتگیں گپاں چہ پراموش اِنت۔کشمیری آں مُدام دُروگیں سوگند ءُُ گال ا،شکتگ اَنت، مز ن وزیر ءَ زور پر دات کہ اقوام ءِ متحدہ ءِ مراگش باز جوان ءُُ کمکار بوت کُت کنت۔
کشمیر ءِ جیڈھ اقوام ءِ متحدہ ءِ ناکامی اِنت، اقوام ءِ متحدہ اے درگت ءَ وتی گامگیج ءَ پیش بدار ایت۔ آئی ءَ گوشت کہ مئے اے رد اِچ نرمی پیش نہ دار آں۔ بھارتی رستری ظلم آناں تلپچ کنگ ءِ ھاترا سرجمیں دگنیائے ملک آناں سرپد کناں ۔ مزن وزیر ءَ ھاسیں نمائندگ ءِ بستار پارلیمانی باسک آنی تہ ءَ بیلجئیم (برسلز) ءِ ھاترا اعجاز الحق ءُُ ملک عزیر ، چین (بیجنگ) ءِ ھاترا خسرو بختیار ءُُ عالم داد لالیکا، فرانس (پیرس) عائشہ رضا فاروق ءُُ رانا محمد افضل خان، روسی فیڈریشن (ماسکو) ءِ واستہ رضا حیات ہراج، جنید انور چوہدری ءُُ نواب علی وسان، سعودی عرب (ریاض، جدہ) ءِ واستہ مولانا فضل الرحمن، میجر (ر) طاہر اقبال ءُُ محمد افضل کھوکھر، ترکی (انقرہ) ءِ واستہ محسن شاہ نواز رانجھا ءُُ ملک پرویز، برطانیہ (لندن) ءِ واستہ لیفٹیننٹ جنرل (ر) عبدالقیوم ءُُ قیصر شیخ، امریکا (واشنگٹن ڈی سی) ءُُ اقوام متحدہ (نیویارک) ءِ واستہ مشاہد حسین سید ءُُ شذرہ منصب علی، اقوام متحدہ (جنیوا) ءِ واستہ اویس لغاری ءُُ جنوبی افریقہ (پریٹوریا) ءِ واستہ عبدالرحمٰن کانجو ھواراَنت۔
