اسلا م آباد(پاکستان نیوزپوائنٹ16اکتوبر2017ء) بنجائی حکومت فاٹا نا عارضی وڑ اٹ بے اُرا تا بندغ آتا ہند آتامعاوضہ غاتے کن 2ارب روپئی فاٹا سکرٹریٹ ءِ جاری کرینے۔ فاٹا بحالی وپوسکن جوڑ جاڑ نا پروگرام منیجرشکیل انجم اے پی پی ءِ پارے کہ دہشت گرد ی نا برخلاف آپریشن ضرب عضب آن زہمی مروک آ عارضی وڑ اٹ بے اُرا بندغ آتاہند آتا معاوضہ غاتاچرجوئی برجاءِ ، دا چرجوئی ٹی بنجائی حکومت ہندآتا معاوضہ غاتاادائیگی کن بنجائی حکومت فاٹاسیکرٹریٹ ءِ پین 2 ارب روپئی جاری کرینے۔
او پارے کہ عارضی وڑاٹ بے اُرا بندغ آتاہندآتاسروے نا عمل جاری ءِ داوخت اسکان 45 ہزار 500 آن زیات ہندآتا سروے پورو کننگانے۔ ہراٹی کم و ود30 ہزار آن زیات ہندآتا معاوضہ ادا کننگانے۔ او پارے کہ فاٹا نا عارضی وڑاٹ بے اُرابندغ آک پوسکن جوڑ جاڑ و بحالی نا ڈٹ آتیٹی است خواہی ہلنگ ءُ وخت اس کہ تینا ہندآتا معاوضہ غاتا ہلنگ آن پد پد تینا بھس مروک آ اُرا تا جوڑ جاڑ نا بناءِ ہم کرینو۔
