بری فوج انا سروک جنرل راحیل شریف نا آرمی میڈیکل سینٹر ایبٹ آباد نا دورہ نا وخت آ ہیت وگپ

بری فوج انا سروک جنرل راحیل شریف نا آرمی میڈیکل سینٹر ایبٹ آباد نا دورہ نا وخت آ ہیت وگپ

راولپنڈی(پاکستان نیوز پوائنٹ 26اگست 2016ء) بری فوج انا سروک جنرل راحیل شریف آرمی ہیلتھ کور نا جان جوڑی نا بشخ اٹی گچین آسراتی تا فراوانی نا ستاءِ کرسا پارے کہ دہشت گردی نا برخلاف جنگ و امن نا دورہ اٹی آرمی میڈیکل کور انا ٹیم محنت و لگن تون خذمت سرانجام تسنے۔ او جمعہ آ آرمی میڈیکل سینٹر ایبٹ آباد نا دورہ نا وخت آ ڈاکٹر ، پیرامیڈیکل و کمکار عملہ تون ہیت وگپ کریکہ۔

پاک فوج انا شعبہ تعلقات عامہ (آئی ایس پی آر) نا رداٹ آرمی چیف جنرل راحیل شریف آرمی میڈیکل کور نا کوشست آتیان ہسپتال نا اپ گریڈیشن ، خصوصی درمان خاص کر جغر نا پیوندکاری نا یونٹ، ہینڈز اینڈ اپرلمز سرجری سینٹر، طبی تربیت کن ادارہ نیشنل یونیورسٹی آف میڈیکل سائنسز آمبار طبی تربیبی ادارہ غاتا اڈتننگ و انسانی وسیلہ و مہارت نا شون اکن گام گیج آتا ستاءِ کرے۔

آرمی چیف آف جنرل راحیل شریف پارے کہ آرمی میڈیکل کور ہمیش ملک انا تہہ و ملک آن پیشن قدرتی سانحہ غاتیٹی ہم است جمی اتون خذمت سرانجام تسنے۔ اوپارے کہ طبی سائنس ترند رفتاری آن شون ہلنگ ءِ ، ڈاکٹر آتے کن دا المی ءِ کہ او تینے دا جدید شون آن معلومدار کیر۔ اوکان گڈ آرمی چیف جنرل راحیل شریف لیفٹیننٹ جنرل آصف ممتاز سکھیرا ءِ باضابطہ وڑاٹ کرنل کمانڈنٹ آرمی میڈیکل کور نا بیج اس خلک۔ جنرل راحیل شریف شہید آتا یات گار آ حاضری تس ، پھل آتا چادر اس شاغا و فاتحہ خوانی کرے۔