اسلام آباد(پاکستان نیوزپوائنٹ12اکتوبر2017ء) اوغانستان نا صوبہ خوست آن چارہزار 248 عارضی وڑ اٹ بے اُرابندغ آتا خاہوت پدی پاکستان آ سرمسر، پدی بروک آ خاہوت آتے عارضی وڑ اٹ بکہ خیل کیمپ اٹی جاگہ تننگانے ،فاٹا سیکرٹریٹ نا کمامدارآتا رداٹ دہشت گرد آتا برخلاف آپریشن ضرب عضب آن زہمی مروک آ عارضی وڑاٹ بے اُرا بندغ آتا اوغانستان نا صوبہ خوست آن پدی بننگ نا چرجوئی برجاءِ داوخت اسکان چار لکھ 248 خاہوت پدی پاکستان ناصوبہ خیبر پختونخوا نا ضلع کوہاٹ اٹی بے اُرا بندغ آتے کن اڈتروک آ کیمپ اٹی سرمسنو۔
کمامدارآتا رداٹ عارضی وڑ اٹ بے اُرا بندغ آتا خاہوت آتا معاوضہ غاتا فارم ءِ پُر کرسا اوفتے تینا باوہ پیرہ ہی علاقہ غاتیٹی گدریفنگ انگ ءِ ۔ تینا علاقہ غا تیا پدی ہِننگ آ 25 ہزار روپئی کیش گرانٹ و دہ ہزار روپئی ٹرانسپورٹ نا مداٹی ادا کننگ انگ ءِ۔
