اسلام آباد(پاکستان نیوزپوائنٹ12اکتوبر2017ء) مسلم لیگ (ن) نا ساڑی آ حکومت نا دور اقتدار اٹی گدینگو ک آ چار سال اٹی خراج ہلنگ نا کچ اٹی 80 درسد ودکی مسنے ۔وخت اس کہ مالی سال 2012-13 ء نا شونداری بجٹ 695 روب روپئی نا مقابلہ ٹی گدینگو ک آ مالی سال 2016-17 کن شونداری بجٹ نا حجم 1600 ارب روپئی اسکان ودانے ۔فنانس ،ریونیو و اقتصادی معاملہ ناپارلیمانی سیکرٹری رانا محمد افضل خان پارے کہ حکومت روپئی نا قدر ٹی ہچ ءُ وڑاسے نا کمتی آ سجفپننگ ءِ و دا بابت آتالان کروک آ احوال آ ک بے بنداو ءُ ۔
او مستی پارے کہ ملک ا نا جم اٹنگا وامک 62.5 ارب ڈالر ءُ و حکومت وام تیٹی کمتی نا بابت قانود آ سختی اٹ عمل کننگ ءِ،او پارے کہ ملکی گرج آتا پیش نظر بنداوی ڈھانچہ نا جوڑ جاڑ ،گیشتر و شونداری کن حکومت ملک انا تہہ آن وام دوئی کیک تانکہ شونداری بجٹ پین ودفنگ مرے۔
