پبلک اکاؤنٹس کمیٹی زمواری اٹ کاریم کننگ ءِ، نن کم وود پونے 2ارب روپئی نا ریکوری ہم کرینن، سید خورشید احمد شاہ

پبلک اکاؤنٹس کمیٹی زمواری اٹ کاریم کننگ ءِ، نن کم وود پونے 2ارب روپئی نا ریکوری ہم کرینن، سید خورشید احمد شاہ

اسلام آباد(پاکستان نیوزپوائنٹ12اکتوبر2017ء) قومی اسمبلی ٹی قائد حزب اختلاف سید خورشید احمد شاہ پارینے کہ پبلک اکاؤنٹس کمیٹی زمواری اٹ کاریم کننگ ءِ نن کم وود پونے 2ارب روپئی نا ریکوری ہم کرینن، ہراپارلیمنٹ اٹ بفک اونابارواٹ خلقت ءِ بایدے فیصلہ اس کروئی مرے و اود ے بایدے وونٹ تننگپ، عمران خان ءِ کنا مشورہ ءِ کہ اینو ہی الیکشن کمیشن اٹ پیش مرے۔

داخیال آتا درشانی ءِ او پنچ شنبے نادے پارلیمنٹ ہاؤس اٹی پبلک اکاؤنٹس کمیٹی نا دیوان آن پد میڈیا تون ہیت وگپ کرسا کرے۔ اوپارے کہ نن ارب آ روپئی نا کرپشن آ ہیت کینہ، داڑے خلقت ءِ صاف ءُ دیر کُننگ کن ہم ملیپک، است ہشنگک ، داسسٹم بھاز متکن انگا چلینگسا بننگ ءِ ولے شکر ءِ کہ بھاز انگا گڑاک ہلنگرہ ہم ، ولے اوفتے ٹی زموار آتا بایدے تعین مرے۔ اوپارے کہ عمران خان ءِ کنا مشورہ ءِ کہ اینو ہی الیکشن کمیشن اٹ پیش مرے، دُن مف کہ پولیس نا ورناس اودے ہلسا الیکشن کمیشن نا مون آ اتے سلفے۔ جوان ءِ او کائے و پائے کہ کنے ادارہ غاتا شرف ءِ۔ اوپارے کہ داایوان ننا محور ءِ ، خلقت ءِ بایدے فیصلہ کروئی مرے ہر اپارلیمنٹ اٹ بفسہ اوفتے بایدے وونٹ تننگپ۔