علاقائی کمیٹی نا دیوان دنیا ءِ مثبت شونداری نا اسہ تصور اس ترسا چٹا، بنجائی وزیر سائرہ افضل تارڑ

علاقائی کمیٹی نا دیوان دنیا ءِ مثبت شونداری نا اسہ تصور اس ترسا چٹا، بنجائی وزیر سائرہ افضل تارڑ

اسلام آباد(پاکستان نیوزپوائنٹ11اکتوبر2017ء) بنجائی وزیر نیشنل ہیلتھ سروسز، ریگولیشنز اینڈ کوآرڈینیشن سائرہ افضل تارڑ پارینے کہ علاقائی کمیٹی نا دیوان دنیا ءِ مثبت شونداری نا اسہ تصور اس ترسا چٹا۔ بنجائی وزیر پارے کہ 22آن زیات ملک آتا نمائندہ غاک این ایچ ایس آر تون اوڑدہی کریر و بھاز انگا بشخ آتیٹی کمکاری نا کوشست کریر۔ ڈل انا نمائندہ غاک پاکستان نا چاہندار تا ملک اٹی جان جوڑی نا خذمت آتے گچین جوڑ کننگ نا ستاءِ کریر۔

پاکستان اٹی پولیو نا چٹفنگ نا پروگرام نا ستاءِ کرسا اوغانستان نا ڈل سیم انا ہڑتوم آ کنڈآتیا وائرس نا چٹفنگ کن اسہ رسمی یات داشت اس جوڑ کننگ کن پاریر یمن نا ڈل بنجائی وزیر تون اوڑدہی کرے و ہڑتوم آ ملک آتا ڈاکٹر آتا تربیت نا کمک اٹ کمکاری ءِ ودفنگ آ زورشاغار۔ ”اگرچہ پاکستان اٹی دوائی تا برآمد کروک آ چنکا دوائی سازی نا صنعت ءِ ولے دا کانود سازی نا کمک اٹ صنعت نا دواتا برآمد کن فائدہ مند ءِ“۔ ڈل پاکستان نا میڈیکل کالج آتیٹی یمن نا طالب علم آتے داخلہ تننگ نا درخواست کرے۔ بنجائی وزیر شونداری نا غٹ ممکنہ وڑوڈول آتے پٹنگ آ خیال آتا درشانی ءِ کریر۔