وزیراعظم محمد نواز شریف نا آزاد جموں و کشمیرنا پوسکن گچین مروک آ صدر مسعود خان تون اوڑدہی ٹی ہیت وگپ

وزیراعظم محمد نواز شریف نا آزاد جموں و کشمیرنا پوسکن گچین مروک آ صدر مسعود خان تون اوڑدہی ٹی ہیت وگپ

اسلام آباد(پاکستان نیوز پوائنٹ 26اگست 2016ء) وزیراعظم محمد نواز شریف پارینے کہ پاکستان مقبوضہ کشمیر اٹی جہد آجوئی کن تینا اخلاقی ، سفارتی و سیاسی مخ تفی ءِ برجاء تخک۔ اوداہیت ءِ آزاد جموں و کشمیر نا پوسکن گچین مروک آ صدر مسعود خان تون جمعہ آ ہیت وگپ کرسا پارے۔ وزیراعظم مسعود خان ، ہرا مسکوہی پنی سفارتکار اسے و اقوام متحدہ ٹی آخبتی مندوب نا حیثیت اٹ ہم خذمت سرانجام تسنے، تون ہیت وگپ کرسا دا پت انا درشانی ءِ کرے کہ او کشمیر کاز انا وکالت ءِ کیک انتئے کہ او مقبوضہ کشمیر نا الس نا آجوئی نا نصب العین نا گچین وکالت کن اسہ وسیع تر پلیٹ فارم اسے نا حامل ءِ۔

وزیراعظم مسعود خان ءِ اونا گچینی آ مبارکباد پیش کرسا پارے کہ پوسکن گچین مروک آ صدر تینا وسیع تر آزموندہ ءِ آزاد کشمیر نا الس نا شرحالی کن کاریم اٹ ہتیک۔ وزیراعظم مسعود خان ءِ مخاطب مس پارے کہ ”نا ساڑی آ آئینی زمہ واری‘ نا کسبی کیریئر نا وخت آ انجام تروک آ فرض آن بھاز زیات ءِ۔ نن اومیت کینہ کہ نی گچین حکومت ءِ گچین اسلوب حکمرانی ، ادارہ غاتا سوگوی و آزاد کشمیر نا الس نا راجی و اقتصادی حالیت ءِ گچین جوڑ کننگ کن راہشونی مہیا کیسہ“۔

وزیراعظم پارے کہ نن سمجھنہ کہ صدر آزاد کشمیر نا عہدہ راجہ فاروق حیدر نا سروکی ٹی گچین مروک آحکومت ءِ جان جوڑی و تعلیم نا اہم بشخ آتیٹی اصلاحات درستی راستی کرفنگ اٹی کمکار ثابت مریک۔ داوخت آ مسعودخان پارے کہ او آزاد کشمیر نا الس نا گچینی کن تینا توانائی و آزموندہ غاتے کاریم اٹ ہتیک۔ اووزیراعظم تون پارے کہ او پارٹی نا کنڈآن اوڑآ کروک آ پت آ بھاز منت وار ءِ و او وزیراعظم نا وژن و پالیسی تا رداٹ فرض انا ادائیگی کن آزاد کشمیر نا حکومت نا کمکاری اٹ ہر حد اسکان کاہک۔