ڈیرہ مراد جمالی (پاکستان نیوز پوائنٹ 26اگست 2016ء) نصیر آباد نا تحصیل تمبو نا علاقہ ٹی کشاری دیر انا تنازعہ غا اِرا رڑ انا سم کاری و لٹ آتے اٹ جنگ 7 بندغ ٹھپی مسر۔ پولیس نا رداٹ نصیر آباد نا تحصیل تمبو نا علاقہ بالان چاخ نا گوٹھ عبدالرحمان اٹی کشاری دیر انا تنازعہ غا اِرا رڑانا سم کاری و لٹ آتے اٹ جنگ مس ہرانا نتیجہ ٹی محمد اسلم ساسولی، محمد شریف، عبدالعزیز، علی احمد، سراج احمد، حاجی بدل خان و عبدالمالک ٹھپی مسر ہرافتے دمدستی وڑاٹ ڈسٹرکٹ ہسپتال ڈیرہ مراد جمالی آ گدریفنگا ہراڑے طبی امداد آن گڈ اِرا ٹھپی ءِ نازرک حالیت اٹی لاڑکانہ غا گدریفنگا ۔ پولیس موقع غا سرمرسا مستی کارروائی نا بناءِ کرینے۔
نصیر آباد اٹی کشاری دیر انا تنازعہ غا اِرا رڑانا سم کاری و لٹ آتے اٹ جنگ، 7 بندغ ٹھپی
8 سال دیما
