کوئٹہ (پاکستان نیوز پوائنٹ 26اگست 2016ء) صوبائی وزیر ریونیو و ٹرانسپورٹ شیخ جعفر خان مندوخیل پارینے کہ تعلیم، جان جوڑی، مواصلات و روزگار نا فراوانی نا بے شمار ڈٹ پوروی آ رسینگانو و اینو الس اوفتے آن مستفید مننگ ءِ دا شونداری ڈٹ آتیان گڑاس خلقت آتا نن نا تغ حرام مسنے۔ او ژوب انا ورناتیا زورشاغا کہ او ژوب و تینا گچین آخبت کن ننا کاروان شون و شونہالی ءِ جوائن کیر ننا درگہ ورناتے کن ملوک ءِ ۔
داخیال آتا درشانی ءِ اوژوب اٹی کیہی شونداری اسکیم تا جاچ و السی ڈل آتون اوڑدہی نا وخت آ کرے۔ اوپارے کہ ژوب اٹی 25سال مست جوڑ جاڑی و شون نا اولیکو خشت ءِ نن تخان انتئے کہ شون و شونہالی و الس نا زند انا معیار ءِ گچین جوڑ کننگ ننا سیاست نا محور ءِ دا سریس سفر اٹی علاقہ کن شونداری ڈٹ و پین مفاد ہتنگ کن ہچ گس سات تتو و تنیا دا سفر ءِ طے کننگ اُن۔ جعفر خان مندوخیل پارے کہ داوخت آ چیئرمین ضلع کونسل شیخ محمد یوسف مندوخیل پارے کہ جعفر خان مندوخیل نا پدریسہ دورہ، شار اٹی برجاء شونداری ڈٹ و ایلو اہم کارنامہ غاتیان مخالفین آتا پروپیگنڈہ دم تسونے و السی خذمت و ویل آتا ایسری نا سیاست آ باور کینہ۔
