اسلام آباد(پاکستان نیوز پوائنٹ 25اگست 2016ء) چترال ءِ ملک انا ایلو علاقہ غاتون گنڈوک آ لواری ٹنل نا جوڑ جاڑ اینخو سال دسمبر اسکان پور و کننگک۔ پی ٹی وی نا رداٹ چترال نا 4لکھ 50 ہزار نا آبادی کن برف باری نا موم اٹی سفر نا آسراتی مفننگ نا بریبر ئس و دا موسم اٹی علاقہ نا ملک انا ایلو علاقہ غاتون رابطہ مننگ کتوکہ۔ پاکستان مسلم لیگ (ن) نا ساڑی آ حکومت الس نامشکلات آتے کم کننگ کن لواری ٹنل نا جوڑ جاڑ نا کاریم نا دُوارہ بناءِ کرے۔
وزیراعظم محمد نواز شریف 40 سال آن تعطل نا گواچی لواری ٹنل نا کاریم ءِ زوت پور و کننگ نا پارت کرینے تانکہ خلقت آتے آسان سفر نا آسراتی دوبرے۔ میڈیا تون خیال آتا درشانی ءِ کرسا ہندی ہنکینی فضل کریم پارے کہ لواری ٹنل نا جوڑ جاڑ آن علاقہ نا قسمت بدلینگک و چترال آن خیبر پختونخوا نا ایلو علاقہ غاتسکان نا سفر 10گھنٹہ غان کم مرسا 5 آن 6 گھنٹہ سلک۔ داکان مست ہندی بندغ آتے برفباری نا موسم اٹی پیدل سفرکروئی تماکہ۔
