ڈرگ ریگولیٹری اتھارٹی نا فیلڈ افسر آتے چست سلنگ، مارکیٹ اٹی سروے کننگ و دوائی تا زیات نرخ ہلوک آ کمپنی تا برخلاف کارروائی نا پارت

اسلام آباد(پاکستان نیوز پوائنٹ 25اگست 2016ء) ڈرگ ریگولیٹری اتھارٹی تینا فیلڈ افسر آتے چست سلنگ ، مارکیٹ اٹی سروے کننگ و دوائی تا زیات نرخ ہلوک آ کمپنی تا برخلاف کارروائی نا پارت کرینے۔ وزارت نیشنل ہیلتھ سروسز ریگولیشنز اینڈ کوآرڈینیشن نا کمامدارآک ”اے پی پی“ ءِ پاریر کہ بنجائی ڈرگ انسپکٹر تیار کنندگان و برآمد کنندگان نا ویئر ہاؤسز آ تیا چھاپہ خلکونو و5کمپنی ہرا زیات نرخ ہلکورہ ، اوفتے کاریم آن توننگا۔

کمامدارآک پاریر کہ رجسٹریشن بورڈ 9کمپنی تا 13 غیر معیاری مصنوعات آتا رجسٹریشن منسوخ کرینے۔ 8 پروڈکٹس غیر معیاری مننگ نا سوب ہفت کمپنی تا رجسٹریشن ءِ معطل کننگانے و اوفتا برخلاف کانودی کارروائی کننگ انگ ءِ وخت اس کہ جی ایم پی نا خلاف ورزی کننگ آ چار کمپنی تا مینوفیکچرنگ لیسنس آتے ہم معطل کرینو۔ ڈریپ صوبائی اتھارٹیز ءِ پارت کرینے کہ ہرا کمپنیک زیات نرخ ہلنگ ءُ اوفتا برخلاف کارروائی کننگے۔