ڈاکٹر مفتاح اسماعیل تون ترکی نا کے او سی ہولڈنگ نا سی ای او لیونت کاکیروگلو نا اوڑدہی

ڈاکٹر مفتاح اسماعیل تون ترکی نا کے او سی ہولڈنگ نا سی ای او لیونت کاکیروگلو نا اوڑدہی

اسلام آباد۔(پاکستان نیوز پوائنٹ 25اگست 2016ء) زرکاری بورڈ انا چیئرمین ڈاکٹر مفتاح اسماعیل تون ترکی نا کے او سی ہولڈنگ نا سی ای او لیونت کاکیروگلونا سروکی ٹی پنچ باسکی ڈل اوڑدہی کرینے۔ چیئرمین زرکاری بورڈ کمپنی نا ڈل ءِ ملک انا کیہی بشخ خاص کر آٹوموبائلز ، فوڈ اینڈ فوڈ پراسیسنگ ، توانائی ، ایل این جی، ڈیری مصنوعات و لائیو اسٹاک نا بشخ آتیٹی زرکاری نا وارخواہی تیان معلومدار کرے۔

داوخت آ کے او سی ہولڈنگ نا سی ای او پارے کہ اونا کمپنی ڈاؤلینس پاکستان آن 258 ملین ڈالر نا اُرائی کاریم اٹ ہتنگ نا مصنوعات ہلنگ نا معاہدہ کرینے۔ اوپارے کہ اونا کمپنی دنیا نا کیہی ملک آتیٹی زرکاری کننگ ءِ و ترکی نا زرکارآک پاکستان اٹی زرکاری کننگ اٹی بھاز است خواہی تخرہ۔ ڈاکٹر مفتاح اسماعیل ڈل ءِ پارے کہ پاکستان اٹی درملکی زرکاری ءِ پورو رکھ فراوان کننگک و اوڑآ دوئی مروک آ کٹیا نا گدریفنگ نا ہم موکل ارے۔