اسلام آباد(پاکستان نیوز پوائنٹ 25اگست 2016ء) پاکستان آن اوغان مہاجر آتا پدی ہِننگ نا چرجوئی برجاءِ ، چارشنبے آ 2ہزار 649 بندغ پدی اوغانستان آ رسینگانو۔ پدی ہنوک آ بندغ آتے یو این ایچ سی آر نا کنڈآن فی کس 400 امریکی ڈالر تننگ انگ ءِ۔ پنچ شنبے آ یو این ایچ سی آر نا برجاء حساب وکتاب نا رداٹ پاکستان آن رجسٹرڈ غیر رجسٹرڈ اوغان مہاجر آتا پدی ہِننگ نا چرجوئی برجاءِ۔
تدوک آ دے 2ہزار 649 بندغ پدی اوغانستان آ ہنانو، داوخت اسکان کل 63ہزار634بندغ پدی اوغانستان آ رسینگانو ہرافتے ٹی صوب خیبرپختونخوا آن 48 ہزار، بلوچستان آن 4600 ، سندھ آن 8ہزار، پنجاب آن اسہ ہزار و آزاد کشمیر آن 128 بندغ پدی رسینگانو۔ رپورٹ نا رداٹ اوغانستان آ رسینگوک آ بندغ آتے ورلڈ فوڈ پروگرام نا رداٹ مفت خور تننگ انگ ءِ۔ یات سلے کہ حکومت پاکستان رجسٹرڈ اوغان مہاجر آتا پاکستان اٹی اڈکننگ نا مدت 31دسمبر 2016ء اسکان ءِ۔ اوکان گڈ اڈ کننگ اٹی ودکی کننگپک۔
