چیئرمین پریس کونسل نا کراچی ٹی میڈیا ہاؤسز و صحافی تیا مروک آ جلہو نا مذمت

اسلام آباد(پاکستان نیوز پوائنٹ 24اگست 2016ء) چیئرمین پریس کونسل آف پاکستان ڈاکٹر ایم صلاح الدین مینگل کراچی ٹی میڈیا ہاؤسز و صحافی تیا مروک آ جلہو نا ترند انگا لوز آتیٹی مذمت ءِ کرینے۔ او پارے کہ شرپسند عنصر آتا اے آر وائی نیوز و ایلو میڈیا دفتر آتیٹی پترینگسا بیداد کننگ و توڑ پھوڑ کننگ قابل مذمت و بے کچ افسوز ناک ءِ۔ پریس کونسل آف پاکستان داہیت آ یخین تخک کہ صحافی یا صحافتی دفتر آتا برخلاف داوڑنا پرتشدد واقعہ، احوال آتا آزادانہ ترسیل اٹی اڑاند ءُ بے کچ المی ءِ کہ اوفتا ادراک ءِ کننگے۔