کراچی(پاکستان نیوز پوائنٹ 24اگست 2016ء) پاکستان ءِ سالمیت ءِ سرا یک جاور ءَ نقص دئیگ ءِ موکل دئیگ نہ بیت، ملک ءِ ھلاپ گپ کنوک آں سکی ءَ دو چار کنگ بیت۔ اے ازم ءِ درشانی گورنر سندھ ڈاکٹر عشرت العباد خان ءُُ بنجاہی وزیر داخلہ چوہدری نثار علی خان ءِ گندءُُ نند ءَ کرت انت۔ سرجمی ءِ ردا گورنر سندھ ڈاکٹر عشرت العباد خان ءِ چار شمبے ءَ گورنر گِس کراچی ءَ بنجاہی وزیر داخلہ چوہدری نثار علی خان ءَ گند ءُُ نند کرتگ۔
گندءُُ نند ءَ دوئیں راھشون آں اے ازم ءِ درشانی کرت انت کہ پاکستان ءِ سالمیت ءِ سرا یک جاورال ءَ نقص دئیگ ءَ یل دئیگ نہ بیت ملک ءِ ھلاپ گپ کنوک گوں سکی ءَ دو چار کنگ بہ بیت۔ گورنر سندھ ڈاکٹر عشرت العباد خان ءَ گشتگ کہ قانود دست ءَ گروک، تخریب کاری ءَ ہمگرنچ مردم آنی ھلاپ قانود ءِ ردا کارروائی کنگ بہ بیت۔ آئی ءَ گشتگ کہ صوبہ ءَ امن ءِ ھاتر ءَ رینجرز ءُُ قانود نافذ کنوکیں دومی ادارگ آں بے پناہ قربانی داتگ انت آھاں بے ھال کرت نہ کناں۔
